Woho wa mbodia ɔnayɛ

Etena kakatonge Jehowa nkumbo, nde akasha ambutshi ɔkɛndɛ w’anawɔ. (Kɔlɔsayi 3:20) Oko weyɛ ombutshi, wɛ ekɔ l’ɔkɛndɛ wa mbetsha ɔnayɛ dia nde mboka Jehowa ngandji ndo nkoma onto l’oshika. (2 Timɔte 1:5; 3:15) Wɛ pombaka nto mbeya kɛnɛ kele l’otema w’ɔnayɛ. Diakɔ diele, ɛnyɛlɔ kayɛ kekɔ ohomba efula. Wɛ koka mbetsha ɔnayɛ Ɔtɛkɛta wa Jehowa lo yoho ya dimɛna efula, naka wɛmɛ kambaka la wɔ lo lɔsɛnɔ layɛ.​—Osambu 40:8.

1 SAWOLAKA DIMƐNA L’ANAYƐ

KƐNƐ KETSHA BIBLE: ‘Onga suke dia mpokamɛ ndo ɔkɔkɛ dia ntɛkɛta.’ (Jakɔba 1:19) Wɛ nangaka di’anayɛ sawolaka la yɛ aha l’okakatanu. Vɔ pombaka mbeya dia wɛ ekɔ suke dia mbahokamɛ etena kalangawɔ ntɛkɛta la yɛ. Laasɔ, sala dia nkumbo kayɛ monga dihole dia wɔladi, diakoka anto kɛnɛmɔlaka nsaki yawɔ aha l’okakatanu. (Jakɔba 3:18) Naka vɔ fɔnyaka dia wɛ ekɔ awui wolo le wɔ kana mbakanɛka kɔlɔ, kete vɔ hawotokotɛka awui hwe hwe. Onga la solo dia lotutsha otsha le anayɛ ndo ɛnyakawɔ dia wɛ mbaokaka ngandji.—Mateo 3:17; 1 Kɔrɛtɔ 8:1.

KƐNƐ KAKOKAYƐ NSALA:

• Onga suke dia mpokamɛ anayɛ etena kalangawɔ kotɛ dui dimɔtshi

• Sawolaka la wɔ mbala la mbala, aha paka wonya wewɔ l’ekakatanu

2 SALA LA WOLO DIA NSHIHODIA KƐNƐ KALANGAWƆ MBUTA

KƐNƐ KETSHA BIBLE: “One latulungaka diui atuhumoka lukulu l’olo.” (Tukedi 16:20) Lo tena dimɔtshi, wɛ pombaka nyanga dia mbeya kɛnɛ kalanga anayɛ kotɛ. Ana efula tambaka elelo ndo mbutaka awui wahaweye. “Le untu latukadimulaka diui ntundu ndi atuki dikambu, ekadimwelu kandi katuweteka enginya ndu katuwutshaka sonyi.” (Tukedi 18:13) Toongake suke dia momala.​—Tukedi 19:11.

KƐNƐ KAKOKAYƐ NSALA:

• Sala tshɛ diaha mpembola ɔnayɛ ɔtɛkɛta, oyadi kɛnɛ tshɛ kakotɛnde

• Eya kɛnɛ kakayasalaka etena kakiyɛ oko nde ndo kɛnɛ kakayɔsaka la nɛmɔ

3 ELONGI KAYƐ KƐƐNYA DIA WƐ EKƆ KAAMƐ LA NDE

KƐNƐ KETSHA BIBLE: “On’ami, ulungi wetshelu wa sho, tutunaki alaku wa nyo.” (Tukedi 1:8) Jehowa akasha ambutshi lowandji otsha le anawɔ. Nyu pombaka mbetsha ananyu dia vɔ nyɔlɛmiya ndo nyokitanyiya. (Ɛfɛsɔ 6:1-3) Ana koka nshihodia esadi eto di’ambutshi awɔ bu “kaamɛ lo yimba yaamɛ ndo lo tokanyi taamɛ.” (1 Kɔrɛtɔ 1:10) Naka wɛ hetawɔ kɛnɛ kata olonganyi ayɛ, kete sala la wolo diaha ntɛkɛta la ntondo k’ana, nɛ dia dui sɔ koka nkitshakitsha dilɛmiɛlɔ dianyoshawɔ oko ambutshi.

KƐNƐ KAKOKAYƐ NSALA:

• Kɛtshanya ndo okana l’olonganyi ayɛ lo woho wahombanyu pokolaka ananyu

• Naka wɛ l’olonganyi ayɛ nyekɔ la tokanyi totshikitanyi lo woho wahombanyu pokolaka ananyu, kete nyomɔsɛdingola tokanyi t’olonganyi ayɛ

4 NYONGE L’EKONGELO

KƐNƐ KETSHA BIBLE: “Ekiya ona lu mbuka k’ololo kahumbandi ntsho.” (Tukedi 22:6) Ntondoya lo wodielo w’ana hasalema lo yoho ya dihindo. Nyu pombaka monga l’ekongelo ka wetshelo kele ndo la woho wahombanyu pokolaka ananyu. (Osambu 127:4; Tukedi 29:17) Ohokwelo bu tsho mbisha dilanya, koko kɛsɔ mendanaka ndo la nkimanyiya ananyu dia vɔ nshihodia lande na kawadjɛnyu ɛlɛmbɛ. (Tukedi 28:7) Ndo nto, nyetsha ananyu dia vɔ nanga Ɔtɛkɛta wa Jehowa ndo nshihodia atɔndɔ ande. (Osambu 1:2) Dui sɔ ayowakimanyiya dia vɔ monga la nkum’otema ka dimɛna.—Hɛbɛru 5:14.

KƐNƐ KAKOKAYƐ NSALA:

• Yashikikɛ di’ananyu mbɔsaka Nzambi oko Onto la mɛtɛ lakokawɔ ndjaɛkɛ le nde

• Kimanyiyawɔ dia vɔ nshihodia ndo mbewɔ awui wakoka ndjakonya dia monga la lɔkɛwɔ la kɔlɔ, oyadi l’Ɛtɛrnɛtɛ kana lo Réseaux sociaux. Etshawɔ dia vɔ mbewɔ anto wayanga dia mbeyana l’ana w’akɛnda la wolo