Osambo 142
Tosambisha weho w’anto tshɛ
Telesharjɛ:
Nyɛsɔ tokoya Nzambi tshɛ lo tshɛ,
Lo ntshika shɔnɔdi oko Shɛso.
Nde nangaka shimbela anto tshɛ;
Ndo mbalongolaka la wasaso.
(LOKALOYA)
Wonyaso ah’ose na
Otema kel’ohomba.
Anto tshɛ mbatɛso Dui dia Nzambi.
Sho tekɔ esambisha;
Hiole tshɛ tosambisha
‘Di’anto tshɛ kom’angɛnyi wa Nzambi.’
Aha lalɛn’atanema anto
Kana woho wɛnamawɔ ntondo.
Otema w’onto mbele ohomba—
Jehowa kɛn’otema ah’onto.
(LOKALOYA)
Wonyaso ah’ose na
Otema kel’ohomba.
Anto tshɛ mbatɛso Dui dia Nzambi.
Sho tekɔ esambisha;
Hiole tshɛ tosambisha
‘Di’anto tshɛ kom’angɛnyi wa Nzambi.’
Jehowa nongolaka wanɛ tshɛ
Woka andja ɔkɔngɔ tshɛ lo tshɛ.
Kɛsɔ mbekaso ndo mbatɛs’anto,
Tawakimanyiya la ngandji tshɛ.
(LOKALOYA)
Wonyaso ah’ose na
Otema kel’ohomba.
Anto tshɛ mbatɛso Dui dia Nzambi.
Sho tekɔ esambisha;
Hiole tshɛ tosambisha
‘Di’anto tshɛ kom’angɛnyi wa Nzambi.’
(Enda ndo lo Jni. 12:32; Ets. 10:34; 1 Tim. 4:10; Tito 2:11.)