Ele Nzambi?

Suke l’edja tshɛ kambotongama anto, vɔ wekɔ lo ntɛmɔla nzambi efula y’apami ndo ya wamato. Koko Bible tɛkɛtaka dia Nzambi kɛmɔtshi “[koleki] tozambizambi tokina tshɛ woke.” (2 Ɛkɔndɔ 2:5) Nzambi kakɔna kɛsɔ? Ndo kakɔna kawetɛ woke ndeka nzambi nkina tshɛ yatɛmɔla anto? Lo wekelo ɔnɛ, eka kɛnɛ kalanga Nzambi kɛsɔ dia wɛ mbeya lo dikambo diande.

1. Naa lokombo la Nzambi ndo kakɔna kɛnya dia nde nangaka dia sho lieya?

Lo Bible, Nzambi ndamɛ ndjaeyanyaka le so. Nde mbutaka ɔnɛ: “Dimi kele Jehowa. Ɔsɔ kele lokombo lami.” (Adia Isaya 42:5, 8.) “Jehowa” ekɔ lokombo la lo Hɛbɛru lalembetshiya “Nde salaka dia ndjaala.” Jehowa nangaka dia sho mbeya lokombo lande. (Etombelo 3:15) Ngande wakokaso nshikikɛ dikambo sɔ? Lokombo lande tanemaka lo Bible mbala ndekana 7 000!a Lokombo Jehowa lekɔ laki ɔnɛ lele “Nzambi ka mɛtɛ l’olongo ndo la nkɛtɛ.”​—Eohwelo k’Ɛlɛmbɛ 4:39.

2. Kakɔna katotɛ Bible lo dikambo dia Jehowa?

Bible mbutaka dia, lo nzambi tshɛ yatɛmɔla anto, Jehowa oto mbele Nzambi ka mɛtɛ. Lande na? Ɛkɔkɔ wekɔ efula. Jehowa ekɔ la lowandji loleki tshɛ. Ɔnkɔnɛ, ndamɛ mbele “Ɔnɛ-Laheme-Tshɛ lo nkɛtɛ k’otondo.” (Adia Osambo 83:18.) Nde ekɔ “Kanga-Wolo-Tshɛ,” nɛ dia nde ekɔ la wolo wa nsala kɛnɛ tshɛ kalangande nsala. Nde “kakatonge diangɔ tshɛ,” mbuta ate andja ndo diangɔ tshɛ diele la lɔsɛnɔ la nkɛtɛ. (Ɛnyɛlɔ 4:8, 11) Otshikitanyi la nzambi nkina, Jehowa oto mbokongaka oma ko mɔmbɔkɔmbɔla ndo nde mbayongaka pondjo pondjo.​—Osambo 90:2.

3. Nzambi ekɔ la titrɛ efula, koko nde ekɔ paka la lokombo ɔtɔi l’oshika

Dia mɛna otshikitanu wele lam’asa titrɛ yele l’onto la lokombo lande hita, Nyende VIDƐO, ndo oma laasɔ, nyɔkɛtshanya dimbola nɛ:

VIDƐO: Titrɛ efula, koko lokombo ɔtɔi (0:41)

• Naa otshikitanu wele lam’asa titrɛ kele oko “Nkumadiɔndjɔ” la lokombo l’oshika?

Bible mbutaka di’anto wekɔ lo ntɛmɔla nzambi efula ndo nkumadiɔndjɔ efula. Nyadia Osambo 136:1-3, ndo oma laasɔ, nyɔkɛtshanya dimbola nɛ:

• Ele “Nzambi ka waa nzambi” ndo “Nkumi ka waa nkumi”?

4. Jehowa nangaka dia wɛ mbeya lokombo lande ndo nkamba la lɔ

VIDƐO: Onde Nzambi ekɔ la lokombo?​—Etenyi (3:11)

• Lande na kɔsayɛ dia Jehowa nangaka dia lokombo lande mbeyama?

Jehowa nangaka di’anto nkamba la lokombo lande. Nyadia Rɔmɔ 10:13, ndo oma laasɔ, nyɔkɛtshanya ambola anɛ:

• Lande na kele ekɔ ohomba nkamba la lokombo la Nzambi, Jehowa?

• Ngande watoyaokaka naka onto ambohɔ lokombo layɛ ndo ambokelɛ lo lokombo lakɔ?

• Afɔnyayɛ, ngande wayaoka Jehowa etena kakambayɛ la lokombo lande?

5. Jehowa nangaka wɛ ndjasukanya la nde

VIDƐO: Woho wakamayange Nzambi ka mɛtɛ (8:18)

• Lo ndjela vidɛo nyɛ, mbeya lokombo la Nzambi aki la shɛngiya yakɔna le Soten?

La ntondo ka nkoma ɔngɛnyi w’onto ɔmɔtshi, mbala tshɛ, wɛ ayoyanga dia mbeya lokombo lande. Nyadia Jakɔba 4:8a, ndo oma laasɔ, nyɔkɛtshanya ambola anɛ:

• Kakɔna kakɔlɔmba Jehowa dia nsala?

• Ngande wakokimanyiya mbeya ndo nkamba la lokombo la Nzambi dia wɛ ndjaoka suke la nde?

LO TSHENA PE

Jehowa mbele lokombo la Nzambi ɔtɔi ka mɛtɛ. Nde nangaka dia sho mbeya ndo nkamba la lokombo lɔsɔ dia ndjasukanya la nde.

Ovuswelo

• Kakɔna katshikitanya Jehowa la nzambi nkina tshɛ yatɛmɔla anto?

• Lande na kahombaso nkamba la lokombo la Nzambi?

• Kakɔna kɛnya dia Jehowa nangaka dia wɛ ndjasukanya la nde?

SALA EYANGELO

Sɛdingola ɛkɔkɔ etanu watoshikikɛ dia Nzambi ekɔ.

“Onde Nzambi ekɔ?” (Sawo dia l’Ɛtɛrnɛtɛ)

Sɛdingola lande na kele ekɔ dui dia lomba dia mbetawɔ dia Nzambi ekɔ.

“Akatonge Nzambi?” (Tshoto y’Etangelo, Ngɔndɔ k’enanɛi 1, 2014)

Eka lande na kahombaso nkamba la lokombo la Nzambi oyadi hateye woho wakawalelɛka ntondo.

“Ele Jehowa?” (Sawo dia l’Ɛtɛrnɛtɛ)

Onde ekɔ kɔlɔ mbeelɛ ɔnɛ Nzambi? Enda lande na kakokaso mbuta dia nde ekɔ la lokombo ɔtɔi l’oshika.

“Nkombo ngana yele la Nzambi?” (Sawo dia l’Ɛtɛrnɛtɛ)