Tâkimanyia dia vo kamba olimu la Dui dia Nzambi
1 Jehowa akose tediko t’efula dia tokumiya tomanamana t’ekambi. Oma l’ekimanyielo ka tediko tako, ‘wanya aso wakalowanyema.’ (Osam. 37:23) Omaloko, ambeta oleki yediko y’enonyi akumi atanu, Kalasa k’olimu wa teokrasi mbishaka olowanyelo l’akambo w’endana la diewo dia teketa la dia ndakanya. Ladiko dia kalasa kako amboyokotshama losanganya l’olimu lasalema lubingu tshe, lele l’asawo w’eshika, di’ɛnyɛlɔ ndo asawo wa wembola ndo ekadimwelo.
2 Sho kondjaka engenongeno efula oma lo waembwelo w’emendji w’eteta. Omendji w’olimu membolaka osek’olui tshe wa wekelo wa buku; nde tokeketshaka la ngandji tshe ndo tokimanyiaka dia sho ndjala ekambi wakoka. Ladiko di’akambo aso tshe, lo losanganya tshe l’otoma la ntondo ka tshɔ atosambisha, sho nongolaka alako w’elolo ndo olakanyelo wahombama dia olimu a lushi lako lo edja ka taahe dikumi ta wonya. (Heb. 10:23-25) Tediko t’osa Jehowa oma l’ekimanyielo k’olongoswamelo ande toso menyaka woho ayashande le wane wakandasha ɔkɛndɛ wa sambisha lukumu l’ololo.
3 Tokimanyia akenda ndo ambeki wa Bible: Apandjudi w’akenda ndo ambeki w’eyoyo weko l’ohomba w’ekimanyielo k’onto l’onto tena tshe l’olimu wa lo seke. Mete, tena dimotshi sho tshe kokaka mbakimanyia, koko wotsho oso mbahema l’aheka waki ambutshi awo ndo waki wane weka Bible lawo. (Ngal. 6:6; Ef. 6:4) Aha one paka dikambo dia aya edja efula k’eso lo sambisha kana one sho mbeyaka awui efula mbayokoka onto ndameme kamba olimu la Bible. Ekimanyielo ndo olakanyelo wahomba onto l’onto kondjaka mbala la mbala ndo la ngandji eko ohomba.
4 Pombaka kimanyia ambeki wa Bible onto l’onto la ntondo ka vo sangana l’olimu. Tosedingole ete w’asawo kame lawo. Tokimanyia wane wakotsha tediko tahombama dia sambisha woho wa vo nongosola asawo a weodu. Ondo vo wayohomba kamba olimu paka la tshoi ya l’atei w’avɛsa woshilami polo ndo lam’ayowokondja diewo di’efula ndo eongelo kaha la mboka woma. Etena kasambishaso lawo, lasa mvudu la mvudu, totane diaaso dia mbândola ndo dia mbasha alako wahomba mbakimanyia dia vo pama. Tɔtɛtɛ dia ohomba wa nombaka efula.—Ef. 6:18, 19.
5 Tena efula, l’atei a lobingu mbatosambishaka ambatshi mboka wa pondjo ndo apandjudi wambekesanɛ l’olimu. Koko, eko dikambo di’ololo efula etena kayalongosola tomanamana t’apandjudi ako tena dimotshi dia suke olimu wa sambisha l’ekomelo ka lobingu. Anyawo wakombola pama lo sambisha lawo ngenangenaka dia vo ntsha woho wa ndjakimo k’onto l’onto ka ngaso.—Ond. 4:9, 10.
6 Sho tshe, tena dimotshi taki eyoyo ndo aha la ewo k’olimu. Efula ka l’atei aso wakalakanyema oma le apandjudi kana ambatshi mboka wambekesanɛ l’olimu. Diewo diele laso kakiane ndo ongenongeno watade paka mbide tsho wakondjaso oma lo olimu aso eko etombelo k’oma lo ekimanyielo kako. (Tok. 27:17; Etsha 20:35) Nde ololo dia lowando lele laso lo olakanyelo w’oma le Jehowa tosokoya dia sho mongaka la diaaso dia kimanyia anyaso woho wa vo kamba olimu dimena la Dui dia Nzambi lee!