Ekadimwelo lo wembola anyu

◼ Etena kakɔna kahombama wekelo wa dibuku salema na?

Nshi tshɛ dimɛna sala wekelo wa dibuku lo ahole wotshikitanyi wa lo mbilo k’etshumanelo tolekaka dimɛna lo dihole dia sala paka wekelo ɔtɔi lo Mbalasa ka Diolelo. Wekelo ɛsɔ pombaka salema lo wonya wakoka le lofulo la woke l’anto wakasɔnama dia mbɔtɔ lɔkɔ. Oko mbekelo, pombaka ndjâla dikɔlɔ dimɔtshi dia lo lomingu diele ndoko losanganya lokina kânga yɛdikɔ y’esambishelo yakakongɛma. Koko ohomba mbeyaka ndjâla wa sala wekelo ɔmɔtshi la yanyi dikambo dia wanɛ wele, oma lo ɛnɔnyi awɔ, kandakandaka dia tomba l’otsho ndo dia wanɛ wakamba elimu l’otsho. Lo tena dimɔtshi, kokaka mbuta dia sala wekelo la yanyi lo wikɛndɛ.

Dikumanyi kokaka mumbola dia shikikɛ lushi la oshidi wa sanganya ‘wayosungana le lofulo la woke l’apandjudi’ ndo l’anto walanga. (om lɛk. 62) Hakoke sala losanganya lo lushi ndo l’oshidi wayolanya tɛdikɔ takɔsama di’esambishelo.