Ekadimwelo lo wembola anyu

◼ Onto akɔna ahomba nongola tshapa ya losanganya la distrikɛ?

Totshapa ta losanganya la woke tokimanyiyaka efula dia sho nembetɛ anangɛso l’akadiyɛso ndo kotola yambalo y’anto oya lo losanganya laso la woke. Diakɔ diele, hatokoke tikahanya okahanyakahanya. Tɔ mɛnyaka dia wanɛ wotilɔtshi wekɔ la hiole mɔtshi y’ɔlɔlɔ l’atei w’etshumanelo kɛmɔtshi k’Ɛmɛnyi wa Jehowa.

Tshapa yekɔ la dihole dia funda lokombo l’onto ndo lokombo l’etshumanelo kande. Lâsɔ, onto pombaka kamba kâmɛ l’etshumanelo kofundami lokombo lo tshapa yande lo yɛdikɔ yasungana. Société tomɛka etshumanelo tshɛ ekanda k’ɔlɔlɔ ka totshapa. Ayongaka ɔlɔlɔ sho mbishaka opandjudi tshɛ wambobatizama ndo wahatabatizama tshapa ɔtɔi. Ndo nto, ana l’anto akina waya lo nsanganya mbala la mbala ndo wanɛ watahame esadi dia koma apandjudi kokaka nongola tshapa. Kema dimɛna mbisha onto lambotshanyema oma l’etshumanelo tshapa ya losanganya la woke.

Lam’ayokoma totshapa, dikumanyi pombaka menda dia tɔ kahanyema dimɛna lo ndjela alako anɛ.