Woho wa Mbisha Anto Periodikɛ

Tshoto y’Etangelo, Ngɔ. ka Div. 15

MBEWOYAKA DIOLELO DIAKI JEHOWA

“Lo ɛtɛmwɛlɔ suke la tshɛ, sho tanaka anto walanga akambo wa mɛtɛ. Koko ɛtɛmwɛlɔ lo tshɛ kawɔ nyangaka dia mbidja diatɔnelo lam’asa anto. Lâsɔ, kakɔna kahombama dia kakatanya akanga w’etema w’ɔlɔlɔ? [L’ɔkɔngɔ w’okadimwelo w’onto, ko sho mbadia Zefaniya 3:⁠9.] Periodikɛ kɛnɛ mɛnyaka woho wele ewo ka Nzambi ka mɛtɛ ekɔ lo kakatanya anto l’andja w’otondo.”

Réveillez-vous!, Ngɔ. ka Div. 22

“Efula l’atei aso mbɔsaka dia diangɔ dia ndɛ diayongaka nshi tshɛ tshavutshavu. Koko amɔtshi wambotatɛ mboka wɔma ɔnɛ awui wa tshulatshula mbeyaka konya diangɔ diaso dia ndɛ lo wâle. Periodikɛ kɛnɛ nembetshiyaka awui amɔtshi wakiyanya anto lo dikambo sɔ ndo elongamelo kasha Bible dikambo dia ekandwelo ka mɛtɛ k’okakatanu ɔsɔ.”

Tshoto y’Etangelo, Ngɔ. ka Dik. 1

MBEWOYAKA DIOLELO DIAKI JEHOWA

“Wɛ koka la suya dia mbetawɔ aya dikambo diele anto efula hawoyoleka mbidja yimba kanga yema. Lande na na? [L’ɔkɔngɔ w’okadimwelo w’onto, ko sho mbadia Heberu 11:⁠1.] Periodikɛ kɛnɛ nembetshiyaka elɛwɔ mbetawɔ ka mɛtɛ ndo woho wakokatɔ tshikitanya lɔsɛnɔ laso.”

Réveillez-vous!, Ngɔ. ka Dik. 8

“Oko wadieyayɛ, Nɔɛlɛ ekɔ fɛtɛ kangɛnyangɛnya ana efula. Onde wɛ ambokondjaka diaaso dia mbeya kiɔkɔ ya fɛtɛ kɛsɔ? [Tshikande akadimole.] Dimi fɔnyaka dia wɛ ayɔngɛnangɛna wadielo wa Periodikɛ kɛnɛ, djekoleko naka wɛ ekɔ ombutshi wayakiyanya dikambo di’ana.”