Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 2, 15

MBEWOYAKA DIOLELO DIAKI JEHOWA

“Onde wɛ atayambolaka dia mbeya yoho yoleki dimɛna ya nɔmbɔla lɔsɛnɔ layɛ ndo mbɔsa tɛdikɔ t’amɛna? [Tshikande akadimole.] Ɛlɔmbwɛlɔ kɛmɔtshi koleki dimɛna, ɛnyɛlɔ oko Yɛdikɔ Yoleki Dimɛna, tanemaka lo Bible. [Adia Mateu 7:12.] Naa atɔndɔ akina waki Nzambi wokoki tokimanyiya mbala kakɔ ɔtɔi na? Wɛ ayotana ekadimwelo lo periodikɛ kɛnɛ.”

Réveillez-vous! Ngɔ. ka 2, 22

“Ondo wɛ mɛnaka di’ahole efula w’olimu wamboleka wâle. Periodikɛ kɛnɛ kekɔ l’alako w’amɛna wɛnya woho wakoka kokamɛ ahole asɔ. Tɔ mɛnyaka nto di’ɔngɛnɔngɛnɔ aso kakatana la yoho yayotɔsa olimu wa l’emunyi. Lam’alangɛ adiatɔ.”

Tshoto y’Etangelo Ngɔ. ka 3, 1

MBEWOYAKA DIOLELO DIAKI JEHOWA

Lo menda awui tshɛ watomba nshi nyɛ, efula l’atei aso ndjambolaka kɛnɛ katokongɛ lo nshi yayaye. Lo dɔmbɛlɔ diande dimɔtshi dia lokumu, Yeso Kristo akɛnya bonde kakokaso nongamɛ nshi yayaye l’eshikikelo tshɛ. [Adia Mateu 6:​9, 10.] Anto wekɔ lo muna etombelo w’oma lo kɔlɔ yakasalema deko aha nɛ. Koko lo nshi shɔ, wanɛ wakakambɛka Nzambi wakalongamɛka nshi yayaye y’ɔngɛnɔngɛnɔ. Periodikɛ kɛnɛ mɛnyaka woho wakokaso monga la nshi yayaye y’ɔngɛnɔngɛnɔ sho lawɔ.”

Réveillez-vous! Ngɔ. ka 3, 8

“Bible mbikaka epole ɔsɛkɛ l’ohomba wa wekelo w’ɔlɔlɔ. [Adia Tukedi 2:​10,11.] Efula l’atei aso mbeyaka di’ekɔ ohomba efula di’ana monga l’embetsha w’amɛna. Réveillez-vous ! ɔnɛ mbikaka epole ɔsɛkɛ l’ɔkɛndɛ w’ohomba efula wele l’embetsha, lo woho wahombaso ngɛnangɛna nganɛ wayashawɔ, ndo lo kɛnɛ kakoka ambutshi ntsha dia mbakimanyiya l’ɔkɛndɛ wa wolo ɔsɔ wele lawɔ.”