Woho wa Mbâkimanyiya

Akristo wa mɛtɛ ndjashaka l’olimu wa lo sɛkɛ wa dianganya lokumu l’ɔlɔlɔ. (Fil. 2:17) Dia kotsha olimu ɔsɔ, tobukubuku, traktɛ, ndo periodikɛ mɔtshi yambodjama l’Ɛtɛrnɛtɛ l’adrɛsɛ wa www.watchtower.org l’ɛtɛkɛta 20. Sitɛ Web kɛsɔ kosalema dia kahɛ Ɛmɛnyi wa Jehowa ekanda weke katomba. Oyango atɔ ele dia kimanyiya anto tshɛ dia vɔ mbeya shikaa kɛnɛ ketsha Ɛmɛnyi wa Jehowa oma lo Bible.

Atete edja, ɛngɔ kekina k’ohomba efula kakadjama lo sitɛ Web kaso. Ɛngɔ kakɔ ko biukubuku Kakɔna Katɔlɔmba Nzambi? l’ɛtɛkɛta ndekana 220. Ndo nto, tatɛ oma lo Tshoto y’Etangelo ya Ngɔndɔ ka Ntondo 1 ndo Réveillez-vous ! wa Ngɔndɔ ka Ntondo 8, 2004 tayongaka l’adrɛsɛ wa sitɛ Web kaso lo dikatshi di’ekomelo l’ɛtɛkɛta tshɛ.

Ngande wakokayɛ kamba l’ehomɔ kɛsɔ? Wɛ koka pomana l’onto layasha l’akambo wa mɛtɛ koko loka paka ɔtɛkɛta okina. Naka nde kokaka kamba l’Ɛtɛrnɛtɛ, kete wɛ koka mbɛnya adrɛsɛ wa sitɛ Web kaso lo dikatshi di’ekomelo dia Tshoto y’Etangelo kana dia Réveillez-vous ! Lo yoho shɔ nde koka sɛdingola biukubuku Katɔlɔmba l’ɔtɛkɛta ande wa lotɔ edja ndo lam’ayoyowela ekanda l’ɔtɛkɛta ande. Kana wɛ koka mbewoya etshumanelo kana olui watɛkɛta ɔtɛkɛta ande wa lotɔ.