Ekongelo ka losanganya l’otshimbedi layaye

Lo nshi y’ekomelo ya andja ɔnɛ wa kɔlɔ w’omusu, ekɔ ohomba efula sho nama ahɔndɔ aso wa lo nyuma ndo lonto laso l’Okristo. (Eny. 16:15) Ɔnkɔnɛ, kokaka dia losanganya l’otshimbedi l’ɔnɔnyi w’olimu 2006 monga la ɔtɛ a dui wata ɔnɛ: ‘Nyɔlɔtɛ lonto l’oyoyo.’​—⁠Kol. 3:⁠10.

Lushi la ntondo: Sawo dia ntondo dia tenyi nɛi diele la ɔtɛ a dui ɔnɛ: “Tɔkɛnɛmɔlɛ waonga wa lonto l’oyoyo,” diayɛnya lande na kele ndɔta lonto l’oyoyo mongaka la wahɔ lo awui tshɛ wa lo lɔsɛnɔ laso. Ngande wakokaso ndɔta lonto l’oyoyo? Dikambo sɔ diayɔsɛdingɔma lo asawo ahende w’ekomelo wa lushi la ntondo wele la ɛtɛ wa awui wata ɔnɛ: “Yaekiya dia kanaka yimba dimɛna” ndo “Wetshelo walɔngɔsɔla lonto l’oyoyo.”

Lushi la hende: Shɛngiya yele la lonto laso l’oyoyo lo okambelo wa la lolemi laso ayɔsɛdingwama lo sawo dia hende dia tenyi nɛi diata ɔnɛ: “Tonge la lolemi la akanga wa tomba.” Ɔtɛ a dui wa sawo dia lo sɛkɛ diayɛnya ohomba wa mbeyaka tolonga ta Satana wayonga ɔnɛ: “Onde wɛ ekɔ lo nɛndja kanga kɔlɔ?” Asawo ahende w’ekomelo wa losanganya, wele la ɛtɛ wa awui wata ɔnɛ: “Nyoyalamake diaha monga la vadi ya l’andja ɔnɛ,” ndo “Tetɛke lonto laso la l’etei oyoyo lushi la lushi,” wayotokimanyiya dia mbewɔ waonga kana lɔkɛwɔ lahɔtɔnɛ la ɛlɛmbɛ wa losembwe wa Nzambi ndo dia tshikala nge lo ɔtɛmwɛlɔ wa Jehowa.

Tekɔ lo kongɛ mɛtɛ dia ndjolongola ekeketshelo kɛsɔ dia ndɔta ndo nama lonto l’oyoyo!