Ovuswelo wa losanganya la lânde la lushi ɔtɔi

Awui anɛ wayɔsɛdingɔma lo Losanganya l’olimu yema tshitshɛ la ntondo ndo yema tshitshɛ l’ɔkɔngɔ wa etshumanelo mbɔtɔ lo losanganya la lânde l’ɔnɔnyi w’olimu 2006. Omendji walɔmbɔla ayɔlɔngɔsɔla ɔkɛtshanyelo ɔnɛ dia teyi yema la ntondo kɛnɛ kayototama lo losanganya ndo dia ovuswelo w’awui wayotetshama, oko wɛnyamidiɔ lo Olimu aso wa Diolelo wa Ngɔndɔ k’enanɛi 2004 lɛkɛ 4. Etena kasalema ovuswelo, pombaka mboka ambola tshɛ, ndo kotola yambalo y’anto lo woho wakokaso kamba la awui wakatɛkɛtama.

ETENYI KA LA PINDJU

1. Kakɔna kalembetshiya nama sso dia ɔsɛlɛngɛ, ndo lande na kele dikambo sɔ wolo efula ɛlɔ kɛnɛ? (“Lande na namaka sso diayɛ ɔsɛlɛngɛ?”)

2. Ngande wakondjaso wahɔ lo namaka ssɔ dia ɔsɛlɛngɛ? (“Tolamake sso dia ɔsɛlɛngɛ ko tayokondja ɛtshɔkɔ efula”)

3. Wâle akɔna wele la elimu wɔsa anto efula oko amɛna? (“Tolamake sso dia ɔsɛlɛngɛ lo andja ɔnɛ wa kɔlɔ”)

ETENYI KA L’ƆKƆNGƆ A MIDI

4. Ngande wakoka ambutshi ndo anto akina keketsha ɛlɔngɔlɔngɔ la esekaseka dia vɔ mbesa eyango wa lo nyuma? (“Ambutshi wasembola mpito yawɔ” ndo “Ɛlɔngɔlɔngɔ la esekaseka wayadjɛ eyango wa lo nyuma”)

5. Ngande wakokaso kɛndakɛnda kâmɛ la okongamelo wa Jehowa a) l’onto ndo l’onto? b) oko nkumbo? ndo c) oko etshumanelo? (“Tosale tshɛ dia kɛndakɛndaka kâmɛ la okongamelo wa Jehowa”)