Woho wa mbisha anto periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 9, 15

“Anto wa lo nkɛtɛ k’otondo wambokaka dikambo dia Yeso Kristo. Amɔtshi mbutaka dia nde aki pami ka diambo. Akina mbɔ̂tɛmɔlaka oko Nzambi Kanga-Wolo-Tshɛ. Ko oko le yɛ, Yeso Kristo âkinde? [Tshikande akadimole.] Periodikɛ kɛnɛ nembetshiyaka shikaa âkinde, oma lende akandaye ndo lɛnɛ ênde kakianɛ.” Adia Joani 17:⁠3.

Réveillez-vous! Ngɔ. ka 9, 22

“Anto efula hawokoke tana dihole dia dimɛna dia mbidjasɛ. Onde wɛ fɔnyaka dia lushi lɔmɔtshi onto tshɛ ayonga la luudu la dimɛna la mbidjasɛ? [Tshikande akadimole.] Réveillez-vous! ɔnɛ tɛkɛtaka dikambo dia alapɔlɔ w’oyoyo wendana la okakatanu wele la anto dia kondja dihole dia mbidjasɛ. Vɔ mɛnyaka nto lande na kakokaso monga la eshikikelo dia daka nɛ diaki Nzambi diayokotshama.” Adia Isaya 65:​21, 22.

Tshoto y’Etangelo Ngɔ. ka 10, 1

Adia dimbola dia lo lohoso. Oma lâsɔ, mbola wate: “Onde wɛ mbeyaka dikambo dia djembetelo yakɔna yatɛkɛtawɔ lanɛ? [Tshikande akadimole. Oma lâsɔ, ko wɛ mbadia Mateu 24:⁠3.] Tshoto y’Etangelo nyɛ tɛkɛtaka dia awui atanu w’ohomba wendana la djembetelo shɔ ndo nembetshiyaka lande na kahombaso ndjietawɔ.” Ɛnyande kiombo ya lo lɛkɛ 6.

Réveillez-vous! Ngɔ. ka 10, 8

“Ɔnwɛlɔ a wanu wa tshambandeko tondjaka ekakatanu woho w’anyanya. Periodikɛ kɛnɛ mɛnyaka etombelo wele la wanu lo demba. [Ɛnyande osato wa lo lɛkɛ 7.] Asawo anɛ mɛnyaka nganɛ wakoka anto ndjatshungola oma lo wodjwelo wa wanu ndo kɛnɛ kakoka akina sala dia mbisha ekimanyielo kawɔ.”