Woho wa mbisha anto periodikɛ

Tshoto y’Etangelo Ngɔ. ka 5, 15

“Onde wɛ ayɔngɛnangɛna nsɛna lo woho wa dihole diɛnyishawɔ lo divɛsa nɛ diakasambiyama? [Adia 2 Petero 3:13. Oma lâsɔ, tshikande akadimole.] Periodikɛ kɛnɛ nembetshiyaka kɛnɛ kelɛwɔ olongo w’oyoyo la nkɛtɛ y’oyoyo. Tɔ nembetshiyaka nto woho wayonga lɔsɛnɔ dimɛna etena kayokotsha Nzambi sangwelo diande diendana la nkɛtɛ.”

Réveillez-vous! Ngɔ. ka 5

“Anto efula fɔnyaka ɔnɛ di’onto tondoya lo andja wa nshi nyɛ, nde pombaka ndjala djawudi. Koko, tende kɛnɛ kakate Yeso. [Adia Mateu 5:​5, 9.] Onde wɛ mbetawɔka awui asɔ? [Tshikande akadimole.] Periodikɛ kɛnɛ tɔtɔmiyaka ɛlɔlɔ esato wakondja onto lo monga la wɔladi.” Tɛkɛta dia sawo diatatɛ lo lɛkɛ 28.

Tshoto y’Etangelo Ngɔ. ka 6, 1

“L’ahole efula, esombe w’anto wakalɛmiyamaka lo tena dimɔtshi oko wakokaso diɛna l’ɔlɛmbɛ ɔnɛ w’edjedja. [Adia Akambu w’Asi Lewi 19:32.] Onde wɛ fɔnyaka di’ɛlɔ kɛnɛ anto wekɔ lo nɛmiya esombe w’anto lo yoho shɔ? [Tshikande akadimole.] Periodikɛ kɛnɛ mɛnyaka woho wakokɛ Nzambi esombe w’anto ndo woho wakokaso ndo sho lawɔ sala dui sɔ.”

Réveillez-vous! Ngɔ. ka 6

“Kânga mbele terɔrismɛ kema dikambo di’oyoyo, ɛlɔ kɛnɛ tɔ kambokokanɛ l’andja w’otondo ndo tɔ munandaka nsɛnɔ y’anto tshɛ. Oko le yɛ, lande na kele dui sɔ ngasɔ? [Tshikande akadimole.] Numɛlɔ kɛnɛ ka Réveillez-vous! mɛnyaka lo ekimanyielo ka Bible etena kayoshila terɔrismɛ ndo woho wayela Nzambi wɔladi wa mɛtɛ la nkɛtɛ.” Adia Mika 4:⁠4.