Woho wa mbisha onto periodikɛ

Tshoto y’Etangelo Ngɔ. ka 11, 1

“Onde wɛ fɔnyaka dia naka atshukanyi kamba la dako dia lo Bible nɛ lo lɔsɛnɔ lawɔ, dimama diawɔ dia diwala diayokeketala? [Adia Jobo 31:1. Oma lâsɔ, tshikande akadimole.] Sawo nɛ mɛnyaka atɔndɔ wa lo Bible wakoka kimanyiya atshukanyi dia vɔ nama dɔkɔlɔkɔ diawɔ dia diwala.” Kotola yambalo y’onto lo sawo diotate lo lɛkɛ 18.

Réveillez-vous! Ngɔ. ka 11

“Anto efula mbetawɔka dia diangɔ dia lo etei ka ndjale ya weke diekɔ lo talanyema lo yoho ya kɔlɔ efula. Onde wɛ fɔnyaka dia mandji y’anto yayotondoya dia kandola dikambo sɔ? [Tshikande akadimole. Oma lâsɔ, adia Mateu 6:10.] Sawo nɛ mɛnyaka ɛkɔkɔ ɛmɔtshi wa ndjakiyanya lo dikambo sɔ ndo okandwelo wayosha Nzambi lo dikambo sɔ.” Tɛkɛta dia sawo diotate lo lɛkɛ 20.

Tshoto y’Etangelo Ngɔ. ka 12, 1

“Lo etena ka lo ɔnɔnyi kɛnɛ, anto efula kanyiyaka dikambo dia Yeso. Oko le yɛ, shɛngiya yakɔna yele la Yeso le yɛ? [Tshikande akadimole.] Bible tokeketshaka dia sho ndjela ɛnyɛlɔ kaki Yeso. [Adia 1 Petero 2:21.] Sala dikambo sɔ ayotokonya anto w’amɛna ndo wele l’ɔngɛnɔngɛnɔ efula. Periodikɛ kɛnɛ nembetshiyaka lande na kediɔ ɔsɔku.”

Réveillez-vous! Ngɔ. ka 12

“Aya ntambe efula yayambola anto dimbola nɛ. [Ɛnya dimbola diele lo lohoso.] Oko le yɛ, lende akokaso tana okadimwelo wa dimɛna lo dimbola sɔ? [Tshikande akadimole.] Tende lande na kakokaso mendɛ le Nzambi dia kondja okadimwelo. [Adia Osambu 100:3.] Periodikɛ kɛnɛ mɛnyaka kɛnɛ kata Bible lo dikambo sɔ.”