Woho wa mbisha anto periodikɛ

Tshoto y’Etangelo Ngɔndɔ ka dikumi l’ahende 1

“L’etena kɛnɛ k’ɔnɔnyi, anto efula salaka kɛnyɔ ya eotwelo dia vɔ mɛnya woho wakete awui wa l’ɔkɔndɔ wa lo Bible ɔnɛ. [Adia Mateu 2:1, 11.] Onde wɛ akalembete otshikitanu wele lam’asa kɛnɛ kata Bible la fɛtɛ ya eotwelo yasala anto mbala la mbala? [Tshikande akadimole.] Sawo nɛ nembetshiyaka kɛnɛ kakasalema mɛtɛ.” Tɛkɛta dia sawo diotate lo lɛkɛ 31.

Réveillez-vous! Ngɔndɔ ka dikumi l’ahende

“Dimi nangaka mbeya kanyi yayɛ lo dikambo dimɔtshi diakate Yeso. [Adia Mateu 5:3.] Lam’ele tekɔ la ɛtɛmwɛlɔ efula, onde wɛ fɔnyaka dia woho wasɔnaso dia nkotsha ehomba aso wa lo nyuma ekɔ ohomba? [Tshikande akadimole.] Sawo nɛ mɛnyaka kɛnɛ kata Bible lo woho wakokaso ntana ɔngɛnɔngɛnɔ wa mɛtɛ wa lo nyuma.” Tɛkɛta dia sawo diotate lo lɛkɛ 12.

Tshoto y’Etangelo Ngɔndɔ ka ntondo 1

“Anto wa l’ɛtɛmwɛlɔ efula mbishaka tokanyi totshikitanyi lo kɛnɛ kendana l’ɔnwɛlɔ wa wanu. Oko le yɛ, ngande wɔsa Nzambi ɔnwɛlɔ wa wanu? [Tshikande akadimole.] Kânga mbata Bible dia mbala kɛmɔtshi Yeso akakadimola ashi wanu lo dihindo, tɔ mbutaka ndo dui nɛ. [Adia Tukedi 23:20a.] Periodikɛ kɛnɛ mɛnyaka kanyi yele la wɛdimo yele la Bible lo dikambo sɔ.”

Réveillez-vous ! Ngɔndɔ ka ntondo

“Lo nshi ya pâ nyɛ, anto efula kambaka elimu efula ndo vɔ nɛmbaka efula. Onde ndo wɛ mbayaoka ngasɔ? [Tshikande akadimole.] Lembetɛ dako dia lomba nɛ. [Adia Undaki 4:6.] Periodikɛ kɛnɛ mɛnyaka woho wakokaso monga la wɛdimo l’olimu, lo nkumbo ndo lo tɔkɛnyɔ. Tɔ mbishaka nto wanɛ wayanga olimu alako.”