Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ ka dikumi 1

“Anto efula ndjambolaka kana Nzambi ndjakiyanyaka dikambo di’ekiyanu ndo di’asui aso. Akanyiyayɛ lo dikambo sɔ? [Tshikande akadimole. Oma lâsɔ adia Osambu 34:18.] Sawo diotate lo lɛkɛ 19 mɛnyaka woho watokimanyiya Nzambi dia sho ndɔshana la tokanyi ta kɔlɔ tele oko: Ndjaɔsa oko anto wele bu la nɛmɔ, ndjatshatsha la lonyangu ndo ndeka ndjaɛndja onongo.”

Réveillez-vous! Ngɔndɔ ka dikumi

“Anto amɔtshi mbɔsaka Nzambi oko wolo ɔmɔtshi wahɛnama. Akina mbɔsaka oko onto lele la nsaki. Akanyiyayɛ lo dikambo sɔ? [Tshikande akadimole.] Tende etelo k’ohomba kɛnɛ. [Adia 1 Petero 5:6, 7.] Sawo diotate lo lɛkɛ 29 mbishaka okadimwelo w’oma lo Bible lo dimbola diata ɔnɛ: Onde Nzambi ekɔ onto la mɛtɛ?”

Tshoto y’Etangelo Ngɔndɔ ka dikumi l’ɔtɔi 1

“Sho tshɛ kombolaka monga la ɔngɛnɔngɛnɔ. Onde wɛ fɔnyaka dia falanga mbasha onto ɔngɛnɔngɛnɔ? [Tshikande akadimole.] Ofundji ɔmɔtshi wa Bible akeke woho wa ngɛnangɛna la kɛnɛ kele tshitshɛ. [Adia Filipi 4:11, 12.] Periodikɛ kɛnɛ mɛnyaka akambo atanu watanema lo Bible washa onto ɔngɛnɔngɛnɔ.”

Réveillez-vous! Ngɔndɔ ka dikumi l’ɔtɔi

“Anto amɔ wahetawɔ ɔnɛ Nzambi ekɔ mɛnyaka awui wa kɔlɔ wasala anto lo lokombo la Nzambi ndo fɔnyaka di’andja ɔnɛ wayonga dimɛna naka ɔtɛmwɛlɔ bu. Akanyiyayɛ lo dikambo sɔ? [Tshikande akadimole.] Divɛsa nɛ mbishaka ɔkɔkɔ wɛnya di’ɔtɛmwɛlɔ wa kashi wekɔ lo kiɔkɔ y’asui. [Adia 2 Timote 4:3, 4.] Periodikɛ kɛnɛ mɛnyaka tokanyi ta kɔlɔ tele l’anto wata ɔnɛ Nzambi bu.”