Woho wa ntatɛ mbeka l’anto Bible lushi la samalo la ntondo la lo ngɔndɔ

Ntatɛ lo Ngɔndɔ ka tanu 2011, apandjudi tshɛ wakakeketshama dia tatɛka mbeka l’anto Bible Lushi la samalo la ntondo la lo ngɔndɔ tshɛ. Dia tokimanyiya dia salaka dui sɔ, sawo diele l’ɔtɛ a dui ɔnɛ: “Ekadimwelo lo ambola w’oma lo Bible” diekɔ lo tondjama lo numɛlɔ tshɛ ka Tshoto y’Etangelo y’anto tshɛ. Diakɔ diele, losanganya l’otsha l’olimu w’esambishelo lasalema Lushi la samalo la ntondo la lo ngɔndɔ tshɛ pombaka mɛnya woho wakokaso nkamba la sawo diakɔ dia ntatɛ mbeka l’anto Bible ndo wɛnyɛlɔ ɔmɔtshi pombaka salema.

Dikumanyi koka nkongɛ di’olui w’esambishelo tshɛ sanganaka lo dihole diawɔ Lushi la samalo la ntondo la lo ngɔndɔ kana vɔ kokaka mbɔsa yɛdikɔ ya elui akɔ tshɛ sanganaka lo Mbalasa ka Diolelo. Koko kaanga tshumanelo efula diekɔ lo nsangana lo Mbalasa ka Diolelo kakɔ kaamɛ, ndooko etshumanelo kahomba pandja lushi la laande lɔsɔ lo lisɛkɔla otsha lo lushi lokina l’oyango wa ndjokondja dihole di’elui akɔ tshɛ nsangana dia ntshɔ l’esambishelo.