Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka dikumi l’ahende

“Anto efula wekɔ lo nongamɛ dia Yeso ayokalola. Naka Yeso ambokalola, dikambo diakɔna diayoyokombola dia nde nsala?” Tshikande akadimole. Ɛnyande lɛkɛ l’ekomelo la Tshoto y’Etangelo ya Ngɔndɔ ka dikumi l’ahende 1, ndo nyɔsɛdingole kaamɛ awui wele l’ɛse ka dimbola dia ntondo ndo nyadia divɛsa kaanga ɔtɔi dioshilami. Shande periodikɛ yakɔ, ndo nyokane lushi layoyokalola dia ndjowenda.

Tshoto y’Etangelo Ngɔndɔ ka dikumi l’ahende 1

“Kokaka monga tshondo y’okakatanu dia kanyiya dikambo dia Nzambi, nɛ dia anto waya l’awui efula wa nsala nshi nyɛ. Oko le yɛ, onde tekɔ l’ohomba wa Nzambi lo lɔsɛnɔ laso? [Tshikande akadimole.] Lo nyango Dako diande dia lo dikona, Yeso akate dia tekɔ l’ohomba w’akambo wa lo nyuma dia sho monga l’ɔngɛnɔngɛnɔ wa mɛtɛ. [Adia Mateo 5:3.] Periodikɛ kɛnɛ mɛnyaka ɛkɔkɔ esato washikikɛ dia tekɔ l’ohomba wa Nzambi.”

Réveillez-vous ! Ngɔndɔ ka dikumi l’ahende

“Efula ka l’atei aso mbɔsaka tɛdikɔ lo ndjela kɛnɛ kokawɔ lo tita nsango kana kadiawɔ lo tojurnalɛ. Oko le yɛ, onde nsango shɔ yekɔ ya mɛtɛ ndo yakokaso mbɛkɛ otema? [Tshikande akadimole.] Bible tɔlɔmbaka dia monga la yewo lo kɛnɛ kendana la mbɛkɛ otema l’awui wahokamɛso. [Adia Jobo 12:11.] Periodikɛ kɛnɛ kekɔ l’alako amɔtshi wayotokimanyiya dia nsɛdingola kɛnɛ kahokamɛso kana kadiaso.”