Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka divwa

“Anto efula mongaka la mbetawɔ le andjelo. Onde ndo wɛ? [Tshikande akadimole.] Oko wewɔ ditongami dia lo nyuma diele la wolo efula, onde wɛ fɔnyaka dia andjelo koka tokimanyiya? Bible totɛka woho wasukɛ andjelo anto ɛlɔ kɛnɛ.” Ɛnyande lɛkɛ l’ekomelo la Tshoto y’Etangelo ya Ngɔndɔ ka divwa 1, ndo nyɔsɛdingole kaamɛ dimbola dia ntondo ndo nyadia kaanga divɛsa ɔtɔi lo avɛsa woshilami. Shande periodikɛ, ndo okana la nde dia nyu ndjɔsɛdingola dimbola dikina mbala kayaye.

Tshoto y’Etangelo Ngɔndɔ ka divwa 1

“Onde wɛ fɔnyaka di’anto wekɔ lo ndanya nkɛtɛ lo woho yahayalɔngɔsɔmaki nto pondjo? [Tshikande akadimole.] Kaanga mbele anto bu l’akoka wa nɔngɔsɔla nkɛtɛ, Bible totɛka dia Nzambi ekɔ l’akoka ndo nde nomɔlɔmɔka dia nsala dui sɔ. Sho tanaka eshikikelo kɛsɔ lo Osambu 65:9. [Adia.] Tshoto y’Etangelo nyɛ tɛnyaka nto woho wayokokɛ Nzambi nkɛtɛ ndo woho wakokaso ndjokondja ɛtshɔkɔ wa lo nshi yayaye ɛsɔ. Onde dimi koka kotshikɛyɔ dia wɛ ndjadia?”

Réveillez-vous ! Ngɔndɔ ka divwa

“Anto efula fɔnyaka di’ewandji awɔ w’olimu mbakambishaka elimu lo yoho ya tshambandeko ndo vɔ mɛnaka dia ndooko kakokawɔ nsala dia mbewɔ dui sɔ. Waa nomb’ewo mbutaka di’olimu wa tshɔtɔpɔngɛ koka nɛndja onto efula ndo dui sɔ koka monga la etombelo wa kɔlɔ lo demba ndo lo yimba. Ko kakɔna kafɔnyayɛ kakoka nkimanyiya onto dia monga la lɔsɛnɔ lele la wɛdimo? [Tshikande akadimole.] Ɛsɔ tadia divɛsa dimɔtshi diatshutshuya onto dia nkana yimba. [Adia Undaki 4:6.] Periodikɛ kɛnɛ mɛnyaka awui anɛi wahombaso mbetsha lo dihole dia ntondo ndo kɛnɛ kakokaso nsala lo kɛnɛ kendana l’olimu wa tshɔtɔpɔngɛ.”