BIBLIƆTƐKƐ WA LO ƐTƐRNƐTƐ wa Watchtower

BIBLIƆTƐKƐ WA LO ƐTƐRNƐTƐ

mwb16 Ngɔndɔ ka nɛi lk. 3
Keketsha anto akina l’ɛtɛkɛta w’amɛna

Lɔsɛnɔ ndo olimu aso w’Okristo—Dikatshi dia losanganya—2016

mwb16 Ngɔndɔ ka nɛi lk. 3

AKAMBO W’OHOMBA W’OMA L’ƆTƐKƐTA WA NZAMBI | JOBO 16-20

Keketsha anto akina l’ɛtɛkɛta w’amɛna

Ondaki pombaka monga l’ɛtɛkɛta wakeketsha anto akina

Jɔbɔ akakɔmɔ ndo aki la lɔkɔnyɔ diakɔ diele nde aki l’ohomba wa osukɔ ndo w’ekeketshelo k’oma le anto akina
Angɛnyi asato wa Jɔbɔ kombokeketsha kaanga yema tshitshɛ. Koko, vɔ wakɔsɔngɔlɛ ndo wakaleke fudia ekiyanu ande

Ɛtɛkɛta wa kɔlɔ waki Bilidadɛ wakakonya Jɔbɔ dia ndeka monga la lɔkɔnyɔ

Jɔbɔ akalele dia nyanga ekimanyielo oma le Nzambi kana nyɔi
Jɔbɔ akaleke mbidja yimba l’elongamelo kande ka eolwelo ndo akatetemala mbikikɛ asui la kɔlamelo tshɛ

Elifazɛ asawola la Jɔbɔ ko Bilidadɛ nde la Zɔfara wawaenda

ASƆNGWƐDI WA JƆBƆ

Elifazɛ:

Ose Temana osomba wa lo wodja w’Ɛdɔmɛ. Jeremiya 49:7, mɛnyaka dia Temana aki osomba w’ase timba wa l’Ɛdɔmɛ
Ondo Elifazɛ mbakaleke opalanga ndo aki la shɛngiya l’atei wa wanɛ wakaye dia ndjowosha “ekeketshelo,” nde aki onto la ntondo la ntɛkɛta. Nde akasha asawo asato ndo akatɛkɛta efula ndeka asekande

Emamatanya wa kashi:

Nde akɔnyɔla olowanyi wa Jɔbɔ ndo wakasɛmɛ dia Nzambi hadje ekambi ande yimba (Jb 4, 5)
Nde akate dia Jɔbɔ aki kanga otako, kanga kɔlɔ ndo hoke Nzambi wɔma (Jb 15)
Nde akasɔngwɛ Jɔbɔ dia nde aki kanga lokaki, komonga la losembwe ndo ɔnɛ onto keema la nɛmɔ lo washo wa Nzambi (Jb 22)

Bilidadɛ:

Nde aki ose Shua. Ondo nde akadjasɛka suke la Ndjale k’Efarata
Nde aki onto la hende la ntɛkɛta. Asawo ande asato waki asawo wa tomondo efula ndo vɔ waki l’ɛtɛkɛta wa lɔlɛngɔ efula ndeka waki Elifazɛ

Emamatanya wa kashi:

Nde akɛnya di’ana waki Jɔbɔ wakasale pɛkato, diakɔ diakawahombe vɔ ndo wakate ɔnɛ Jɔbɔ kɔtɛmɔlaka Nzambi (Jb 8)
Nde akate dia Jɔbɔ otshi wa pɛkato (Jb 18)
Nde akate di’olowanyi w’onto wekɔ anyanya (Jb 25)

Zɔfara:

Ose Naamatɛ, akaye oma la nɔrdɛ-owɛstɛ k’Arabiya
Nde aki onto la sato la ntɛkɛta ndo akatɛkɛta ɛtɛkɛta wa lɔlɛngɔ efula. Nde akasha paka asawo ahende ato

Emamatanya wa kashi:

Nde akate dia Jɔbɔ aki l’ɛtɛkɛta w’anyanya ndo nde akawotɛ dia nde ntshika awui wa kɔlɔ (Jb 11)
Nde akate dia Jɔbɔ aki kanga kɔlɔ ndo akangɛnangɛnaka pɛkato (Jb 20)