Toyaɛkɛ le Jehowa ndo tosale kɛnɛ kele ɔlɔlɔ

‘Tatɔkɔmiyake atshi wa kɔlɔ’

37:1, 2

• Tatetawɔke dia ɔngɛnɔngɛnɔ wa tshanda mɔtshi tsho wele la atshi wa kɔlɔ mbekola yimba yaso oma l’olimu wakambɛso Jehowa. Totetemale mbika washo l’ɛtshɔkɔ ndo l’eyango wa lo nyuma

‘Toyaɛkɛ le Jehowa ndo tosale kɛnɛ kele ɔlɔlɔ’

37:3

• Toyaɛkɛ le Jehowa ko nde ayotokimanyiya diaha sho monga la taamu kana l’ekiyanu. Nde ayotokimanyiya dia sho ntshikala la kɔlamelo

• Tonge l’akambo efula wa nsala wendana l’esambishelo ka lokumu l’ɔlɔlɔ la Diolelo diaki Nzambi

‘Tɔngɛnɛngɛnɛ lo yɛdikɔ y’efula le Jehowa’

37:4

• Tokongɛ wonya wa mbadiaka Ɔtɛkɛta waki Nzambi ndo tokanake yimba lo eyango wakokaso ndjadjɛ dia ndeka mbeya Jehowa dimɛna

‘Tokimɔ mboka yaso le Jehowa’

37:5, 6

• Toyaɛkɛ tshɛ lo tshɛ le Jehowa ko nde ayotokimanyiya dia nkandola oseka okakatanu tshɛ

• Totetemale monga la lɔkɛwɔ la dimɛna la ntondo k’ɔlɔshamelo, k’ɛhɛnyɔhɛnyɔ, kana katawɔ awui wa kashi lo lokombo laso

‘Tɔlame la ntondo ka Jehowa ndo tokongake la elongamelo tshɛ le nde’

37:7-9

• Tewɔ tshelo ya nsala akambo l’esasesase yakoka toshishɛ ɔngɛnɔngɛnɔ aso ndo ekokelo kaso ka lo nyuma

‘Akanga wa memakana wayokita nkɛtɛ’

37:10, 11

• Tonge la memakana ndo tendɛke la okitshakitsha tshɛ le Jehowa dia nde minya awui wa wɛngiya tshɛ watokomɛ

• Tosuke asekaso ambetawudi ndo tokeketsha wanɛ wambɔkɔmɔ dia vɔ monga l’elongamelo lo daka diaki Nzambi diendana l’andja w’oyoyo waya suke