Nyohɔ wadi a Lɔta

Lande na kakɛwɔ wadi a Lɔta l’ɔkɔngɔ lam’akandatalawɔka oma la Sɔdɔma? Bible hatotɛ. (Eta 19:17, 26) Lo ndjela ɔkɔndɔ, ɛhɛmwɛlɔ wa Yeso mɛnyaka dia ondo nde akakombolaka diangɔ diakandatshike l’ɔkɔngɔ. (Luka 17:31, 32) Ngande wakokaso mbewɔ dia ndjoshisha diɛsɛ dia mbetawɔma le Nzambi oko wakashisha wadi a Lɔta? Hatohombe mbetawɔ dia oyango wa diangɔ dia l’emunyi monga dui dioleki ohomba lo lɔsɛnɔ laso. (Mat 6:33) Yeso aketsha dia “[hatokoke] kambɛ Nzambi la ɛngɔnyi olimu oko ɛhɔmbɔ.” (Mat 6:24) Ko ahombaso nsala naka tamboshola dia diangɔ dia l’emunyi diambotatɛ tekola yimba oma l’akambo wa lo nyuma lo lɔsɛnɔ laso? Sho koka nɔmba Jehowa dia monga la shɛnɔdi dia sho mɛna lɛnɛ ahombaso nsala etshikitanu ndo dihonga la wolo wa sho nsala dui sɔ.

NYOHƆ VIDƐO YA TENYI SATO YELE L’ƆTƐ A DUI ƆNƐ: NYOHƆ WADI A LƆTA, NDO NYOKADIMOLE LO AMBOLA WAYELA ANƐ:

• 

  Ngande wele shɛngiya ya monga la falanga efula yakatatɛ nsɛngiya ekanelo, ɛtɛkɛta ndo etsha waki Gloria?

• Ngande wele wadi a Lɔta ekɔ ɛnyɛlɔ k’ɔhɛmwɛlɔ le so ɛlɔ kɛnɛ?

• Ngande wele nkamba l’atɔndɔ wa lo Bible akakimanyiya Joe la nkumbo kande?

• Ngande wele angɛnyi waki Anna wa l’olimu waki la shɛngiya lo lonyuma lande?

• Lande na kahombaso monga la dihonga naka wambotodja pɛpɔ dia nyanga ntondo falanga lo lɔsɛnɔ laso?

• Ngande wakayotatɛ Brɛnɛ ndo Gloria ndjasha nto lo mbetsha akambo wa lo nyuma lo dihole dia ntondo?

• Atɔndɔ akɔna wa lo Bible wakayɛnyi lo vidɛo nyɛ?