Akristo wa mɛtɛ mbeyamaka oma lo ngandji​—Tokoke kaamɛ k’ohomba

OHOMBA WA DUI SƆ: L’otsho wa la ntondo ka nyɔi kande, Yeso akalɔmbɛ di’ambeki ande la dia “monga kaamɛ tshɛ lo tshɛ.” (Jni 17:23, nɔtɛ) Dia monga kaamɛ, sho pombaka mbokana ngandji, nɛ dia tɔ “hadia akambo wa kɔlɔ wosalɛwɔ.”​—1Kɔ 13:5.

WOHO WA NSALA DUI SƆ:

• Okoya Jehowa lo mbidja yimba lo awui w’ɛlɔlɔ wele le anto akina

• Dimanyiya l’otema ɔtɔi

• L’ɔkɔngɔ wa nyu nɔngɔsɔla dikambo, todikalolɛke nto.​—Tok 17:9

NYENDE VIDƐO YELE L’ƆTƐ A DUI ƆNƐ: “NYOKANE NGANDJI LAM’ASANYU”​—TATADIAKE AKAMBO WA KƆLƆ WATOSALƐWƆ, NDO OMA LAASƆ, NYOKADIMOLE LO AMBOLA WAYELA ANƐ:

• Lo etenyi ka ntondo ka vidɛo nyɛ, ngande wakɛnya Ɛlɛna dia nde ‘akadiaka awui wa kɔlɔ wakawoosalɛka’?

• Lo etenyi ka hende ka vidɛo, ngande wakanya Ɛlɛna ekanelo ka kɔlɔ, ndo ngande wakandɛnya ekanelo k’ɔlɔlɔ?

• L’ekomelo, ngande wakasha Ɛlɛna lonya lo kaamɛ k’etshumanelo?