Tetshake wenya kaamɛ la wanɛ woka Jehowa ngandji

Lande na kahombaso mbetshaka wenya kaamɛ la wanɛ woka Jehowa ngandji? Nɛ dia angɛnyi aso mongaka la shɛngiya y’ɔlɔlɔ kana ya kɔlɔ le so. (Tok 13:20) Ɛnyɛlɔ, nkumekanga Jɛhɔashi akasalaka “kɛnɛ kaki ɔlɔlɔ lo washo wa Jehowa” edja tshɛ kakandetshaka wenya kaamɛ la Jɛhɔyada laki ɔlɔmbɛdi a laadiko. (2Ɛk 24:2) L’ɔkɔngɔ wa nyɔi ka Jɛhɔyada, Jɛhɔashi akoke Jehowa ɔkɔngɔ l’ɔtɛ wa lɔngɛnyi la kɔlɔ laki la nde.​—2Ɛk 24:17-19.

Lo ntambe ka ntondo T.D., ɔpɔstɔlɔ Pɔɔlɔ akɛdika etshumanelo k’Akristo la “luudu la woke” ndo nde akɛdika ase etshumanelo la “diangɔ dia lo luudu.” Sho tetemalaka monga ‘ɛngɔ kele dikambo dia okambelo wa nɛmɔ efula’ etena kewɔso mbɔtɔ lɔngɛnyi la ma ma la oseka onto tshɛ, oyadi ose nkumbo kaso kana ose etshumanelo lasala kɛnɛ kahangɛnyangɛnya Jehowa. (2Ti 2:20, 21) Ɔnkɔnɛ, totetemale mbɔtɔ lɔngɛnyi la wanɛ woka Jehowa ngandji ndo watokeketsha dia mbokambɛ.

NYENDE VIDƐO YELE L’ƆTƐ A DUI ƆNƐ: EKA WOHO WA NKAKITƆNA LA LƆNGƐNYI LA KƆLƆ NDO OMA LAASƆ, NYOKADIMOLE LO AMBOLA WAYELA ANƐ:

• Ngande wakokaso aha la mbeya, mbetsha wenya kaamɛ l’anto wa kɔlɔ?

• Kakɔna kakakimanyiya Akristo asato wa lo vidɛo nyɛ dia nkakitɔna la lɔngɛnyi la kɔlɔ?

• Atɔndɔ akɔna wa lo Bible wakoka kokimanyiya dia nsɔna angɛnyi la lomba?