Elimu w’ɛlɔlɔ wahohamamɛki

Ekambi wa Jehowa tshɛ kokaka mbosalɛ akambo w’ɛlɔlɔ wahohamamɛki pondjo. L’ɛnyɛlɔ k’ombutshi woka anande ngandji ndo lahohɛ awui w’ɛlɔlɔ wakawasale, mbele ndo Jehowa hohɛ olimu wokambɛso ndo ngandji kɛnyaso dikambo dia lokombo lande. (Mat 6:20; Hɛb 6:10) Koko, tekɔ l’akoka wotshikitanyi ndo sho pomanaka l’awui wotshikitanyi lo lɔsɛnɔ. Kaanga mbediɔ ngasɔ, naka sho nsala kɛnɛ tshɛ kakokaso nsala l’olimu wakambɛso Jehowa, kete tayonga l’ɔngɛnɔngɛnɔ. (Nga 6:4; Kɔl 3:23) Aya ɛnɔnyi efula wele nunu di’anangɛso l’akadiyɛso wekɔ lo nkamba lo Bɛtɛlɛ. Onde wɛ kokaka ndjakimɔ la lolango dia nkamba lo Bɛtɛlɛ? Naka keema, shi wɛ kokaka nkeketsha onto okina dia nsala dui sɔ kana nkimanyiya ose nkumbo ka Bɛtɛlɛ ɔmɔtshi dia nde ntetemala nkamba lo yoho ya laande shɔ?

NYENDE VIDƐO YELE L’ƆTƐ A DUI ƆNƐ: YAKIMƆ LA LOLANGO DIA NKAMBA LO BƐTƐLƐ NDO OMA LAASƆ, NYOKADIMOLE LO AMBOLA WAYELA ANƐ:

• Kakɔna kahomba kotshutshuya dia nkamba lo Bɛtɛlɛ?

• Kakɔna kakate anto amɔtshi dikambo di’ɛtshɔkɔ wakawakondja lo nkamba lo Bɛtɛlɛ?

• Kakɔna kalɔmbama dia nkamba lo Bɛtɛlɛ?

• Akokayɛ nsala dia nkamba lo Bɛtɛlɛ?