“Nyotetemale nkana yimba lo akambo asɔ”

Naa akambo akɔ? Filipɛ 4:8 mbitaka dia sho pombaka kanyiyaka akambo tshɛ wosembwe, akambo tshɛ wele pudipudi, akambo tshɛ wakoka nangema, akambo tshɛ wele la lokumu l’ɔlɔlɔ, akambo tshɛ wele ɔlɔlɔ ndo akambo tshɛ wakoka mandɔma. Akristo hawɔlɔmbama dia kanyiyaka wonya tshɛ paka akambo wa lo nyuma. Koko akambo wasɔnaso dia nkanyiya pombaka ngɛnyangɛnya Jehowa. Hatohombe nkanyiya awui wayotodjɛ wekamu dia monga la kɔlamelo le nde.​—Os 19:14.

Mbeyaka monga tshondo y’okakatanu dia mbewɔ tokanyi ta kɔlɔ. Hatɔlɔshana tsho la lonto laso lele keema kokele, koko tekɔ lo ndɔshana ndo la Satana, “nzambi ka dikongɛ nɛ di’akambo.” (2Kɔ 4:4) Nɛ dia nde mbasɛngiya awui efula wangɛnyangɛnya wɛnyawɔ lo televiziɔ, watawɔ l’aradiyo, l’Ɛtɛrnɛtɛ ndo watondjawɔ lo tojurnalɛ. Sho pombaka nsɔna kɛnɛ kadjaso lo timba taso la yambalo tshɛ, nɛ dia tɔ mongaka la shɛngiya lo woho wakanyiyaso ndo wasalaso akambo.​—Jak 1:14, 15.

NYENDE VIDƐO YELE L’ƆTƐ A DUI ƆNƐ: TEWƆ KƐNƐ KALANYA KƆLAMELO​—TƆKƐNYƆ TA KƆLƆ NDO OMA LAASƆ, NYOKADIMOLE LO AMBOLA WAYELA ANƐ:

• 

  Ngande wɔsa ɔnangɛso telefɔnɛ kande ndo shɛngiya yakɔna yele la dui sɔ le nde?

• 

  Ngande wakandakondja ekimanyielo lo Ngalatiya 6:7, 8 ndo Osambo 119:37?