Totshikale nge oko wambosukana ekomelo

OHOMBA WA DUI SƆ: Keema edja awui wa diambo wayosalema wayodja dihonga diaso l’ohemba ndo sho pombaka ndjaɛkɛ le Jehowa oleki woho weso tatayaɛkɛka. Mfɔnu ka woke kayotatɛ l’olanyelo w’ɛtɛmwɛlɔ ka wakashi. (Mat 24:21; Ɛny 17:16, 17) Etena kayosalema akambo wa diambo asɔ, ondo tayewoya losango la wolo l’elombwelo. (Ɛny 16:21) Tayɔlɔshama oma le Ngɔngɔ ka lo wodja wa Mangɔngɔ. (Ɛzk 38:10-12, 14-16) Dia nkokɛ ekambi ande, Jehowa ‘ayɔlɔsha ta dia woke dia Nzambi Kanga-Wolo-Tshɛ.’ (Ɛny 16:14, 16) Dia nkeketsha dihonga diaso l’awui wayaye asɔ, ekɔ ohomba sho ntshikala nge l’ehemba wadja mbetawɔ kaso l’ohemba ɛlɔ kɛnɛ.

WOHO WA NSALA DUI SƆ:

• La dihonga tshɛ, tosuke ndo tɔsɛnake lo ndjela atɔndɔ wa Jehowa wa laadiko wendana la lɔkɛwɔ.​—Isa 5:20

• Totetemalake nsangana kaamɛ l’asekaso Akristo.​—Hɛb 10:24, 25

• Tongake suke dia nkitanyiya ɛlɔmbwɛlɔ katosha okongamelo wa Jehowa.​—Hɛb 13:17

• Tokanake yimba lo woho wakashimbɛ Jehowa ekambi ande wa lo nshi y’edjedja.​—2Pe 2:9

• Tɔlɔmbake Jehowa ndo toyaɛkɛke le nde.​—Os 112:7, 8

NYENDE VIDƐO YELE L’ƆTƐ A DUI ƆNƐ: AKAMBO WA LO NSHI YAYAYE WAYƆLƆMBA DIA SHO MONGA LA DIHONGA​—ETENYI NDO OMA LAASƆ, NYOKADIMOLE LO AMBOLA WAYELA ANƐ:

• 

  Naa ohemba wendana l’okitanyiya wakahomana l’apandjudi etena kakasanganyema etshumanelo kakawasanganaka la tshumanelo dikina?

• 

  Ngande wɔtɔnɛ dihonga l’okitanyiya?

• 

  Lande na kele ekɔ ohomba monga la dihonga etena kayoya Aramangɛdɔna?

• 

  Ɔkɔndɔ akɔna wa lo Bible wakoka tokimanyiya dia sho nkeketsha mbetawɔ kaso k’ɔnɛ Jehowa kokaka toshimbɛ?​—2Ɛk 20:1-24