AKAMBO W’OHOMBA W’OMA L’ƆTƐKƐTA WA NZAMBI

“Dimi . . . kele etenyi kayɛ k’okitɔ”

Jehowa akasha ɛlɔmbɛdi w’ase Lɛwi diɛsɛ di’olimu wa laande (Wal 18:6, 7)

Dioho di’ase Lɛwi konongola bɛtshi dia nkɛtɛ koko Jehowa mbaki etenyi kawɔ k’okitɔ (Wal 18:20, 24; w11 9/15 13 od. 9)

Ase wodja wakakimɔka tenyi dia dikumi di’oma lo diangɔ diawɔ dia lo dikambɔ dia nsukɛ ase Lɛwi ndo dioho di’ɛlɔmbɛdi (Wal 18:21, 26, 27; w11 9/15 8 od. 4)

Jehowa akalake ɛlɔmbɛdi ndo ase Lɛwi dia nde ayowakotshɛka ehomba awɔ wa l’emunyi. Sho koka monga l’eshikikelo dia Jehowa ayotosukɛ naka sho ndjahondja dia mbokambɛ.

Osato womamatanyi: Jehowa kotshaka ehomba wa lo demba w’ekambi ande. 1. Kadiyɛso kɛmɔtshi adja falanga lo divelɔpɛ. 2. Divelɔpɛ dimɔtshi diokitshami l’ɛse ka lokuke. 3. Kadiyɛso kodia ɔna ndamɛ okumbate yana yande ya yimato ndo wekɔ lo menda falanga yele l’etei ka divelɔpɛ.