Ɔkɛndɛ ɔmɔtshi wa wolo efula wakakotshama oma lo tshimbo ya nyuma k’ekila

L’ɔkɔndɔ w’ana w’anto w’otondo, ekambi wa Nzambi wambosala awui wa diambo efula, aha l’ɔtɛ w’akoka awɔ hita, koko oma l’ekimanyielo ka Jehowa. Lo 1954, okongamelo wa Jehowa wakatondja filimɛ kele l’ɔtɛ a dui ɔnɛ: Tshunda dia l’andja w’oyoyo diekɔ lo taleke mpama. Tɔ kakatondjama ntondotondo oma le ase nkumbo ka Bɛtɛlɛ waki komonga la diewo lo kɛnɛ kendana la osalelo wa filimɛ. Olimu wa wolo ɔsɔ wakasalema paka lo tshimbo ya nyuma k’ekila ka Jehowa. Tɔ toshaka eshikikelo k’ɔnɛ naka sho ndjaɛkɛ le Jehowa, kete sho kokaka ntondoya lo oseka ɔkɛndɛ tshɛ walongolaso.​—Zɛk 4:6.

NYENDE VIDƐO YELE L’ƆTƐ A DUI ƆNƐ: “TSHUNDA DIA L’ANDJA W’OYOYO DIEKƆ LO TALEKE MPAMA” NDO OMA LAASƆ, NYOKADIMOLE LO AMBOLA WAYELA ANƐ:

• Lande na kakɔsama yɛdikɔ ya nsala filimɛ kendana la awui wasalema lo mbalasa kalɔmbɔla olimu aso wa l’andja w’otondo?

• Ngande wɛnya filimɛ kɛnɛ dia Bɛtɛlɛ kekɔ oko demba di’onto?​—1Kɔ 12:14-20

• Ekakatanu akɔna wakahomana l’anangɛso etena kakawasalaka filimɛ kɛnɛ ndo ngande wakawaatondoya?

• Kakɔna katetsha kɛnɛ kakasale anangɛso kɛsɔ lo dikambo dia nyuma k’ekila ka Jehowa?