Onga l’eshikikelo dia wɛ koka mbikikɛ ekakatanu wendana l’ekondjelo

Lɔsɛnɔ lambolola l’ekakatanu lo nshi y’ekomelo nyɛ. Oko wayaso suke l’ekomelo ka dikongɛ di’akambo nɛ, ekakatanu wayoleka mfula. Lo ntena dimɔtshi, sho koka mpomba diangɔ dimɔtshi dia l’emunyi. (Hab 3:16-18) Kakɔna kayotokimanyiya dia mbikikɛ ekakatanu wendana l’ekondjelo? Sho pombaka ntetemala ndjaɛkɛ le Jehowa Nzambi kaso. Nde akalake dia nkotsha ehomba w’ekambi ande ndo nde koka tosha kɛnɛ kele la so ohomba oyadi l’etena kakɔna tshɛ.​—Os 37:18, 19; Hɛb 13:5, 6.

Kɛnɛ kakokayɛ nsala:

• Sɛngasɛnga Jehowa dia nde kɔlɔmbɔla, kosha lomba ndo kosukɛ.​—Os 62:8

• Onga suke dia mbetawɔ olimu weyɛ ondo atakambaka.​—g-F 1/10 8-9, tokombo

• Tetemala nama mbekelo y’amɛna ya lo nyuma, mbuta ate adiaka Ɔtɛkɛta wa Nzambi lushi la lushi, ɔtɔka lo nsanganya ndo sambishaka

NYENDE VIDƐO YELE L’ƆTƐ A DUI ƆNƐ: TOKE LUUDU LAYOTSHIKALA EDJA​—LO ‘NGƐNANGƐNA LA KƐNƐ KELE LA SO’ NDO OMA LAASƆ, NYOKADIMOLE LO AMBOLA WAYELA ANƐ:

• Ekakatanu akɔna wakahomana la nkumbo mɔtshi?

• Kakɔna koleki ohomba lo lɔsɛnɔ?

• Ngande wakokaso nkimanyiya wanɛ wadiɛnɛ l’ekakatanu wendana l’ekondjelo?