LƆSƐNƆ L’OKRISTO
Awui w’ohomba efula wa lo dibuku Ngɛnangɛnaka la lɔsɛnɔ pondjo pondjo!
Onde wɛ ngɛnangɛnaka tovidɛo ndo ambola wele lo dibuku Ngɛnangɛnaka la lɔsɛnɔ pondjo pondjo! wakimanyiya dia mbeya kanyi y’onto? Ko kayotota dikambo dia tenyi diayela nɛ: “Anto amɔtshi mbutaka ɔnɛ,” “Oyango” ndo “Sala eyangelo”? Naa awui akina w’ohomba wamboyɛna wakoka kokimanyiya etena kalɔmbɔlayɛ wekelo wa Bible?—Mat 28:19, 20.
Documents numériques: Naka etena kalɔmbɔlayɛ wekelo wa Bible wɛ nangaka nkamba la dibuku dia l’akatshi, ngande wakokayɛ nkoma lo tovidɛo tshɛ ndo diangɔ dikina diakadjama l’eshinga? Lo fɔrma ka numerikɛ, nsɔna etenyi kɛmɔtshi lo tenyi nɛi dioleki ohomba. L’ɛse ka listɛ l’ɛtɛ w’awui wa wekelo, wɛ koka nsɔna diangɔ tshɛ diakadjama l’eshinga diendana la wekelo ɔmɔtshi shikaa. (Enda osato 1.)
“Mode Image”: Naka wɛ ekɔ lo mbeka l’onto ɔmɔtshi lo dibuku dia lo telefɔnɛ kana tablɛtɛ, wɛ mbeyaka mɛna ohomba wa nkamba la “Mode Image” wonya ɔmɔtshi etena katanyeke. Etena keyɛ lo wekelo ɔmɔtshi, mina lo tikɔ tosato ta la diko ta lam’aweyɛ ndo nsɔna “Mode Image.” “Mode Image” mbeyaka kokimanyiya dia mbeya dimɛna dimɛna lo yimba woho wɔtɔnɛ awui wakɛtshanyanyu l’ɔtɛ a dui wa wekelo w’otondo. Dia nkalola lo mode texte, mina lam’ele tikɔ tosato ndo nsɔna “Mode Texte.”
“Onde laya suke dia batizama?”: Tokombo tɔsɔ tele l’ekomelo ka dibuku, mɛnyaka awui walɔmbama di’onto nsambisha l’etshumanelo ndo batizama. (Enda osato 2.)
Nɔtɛ ya la koma: Nɔtɛ ya la koma mbishaka elembetshielo w’awui amɔtshi w’ohomba. Lo fɔrma numerikɛ, nɔtɛ ka la koma tshɛ kekɔ la liɛ layokokaloya lam’awakayakome. (Enda osato 2.)
Sala la wolo dia nshidiya mbeka l’ambeki watahame dibuku Ngɛnangɛnaka la lɔsɛnɔ pondjo pondjo! oyadi vɔ wambobatizama la ntondo ka nyu nshidiya wekelo. Wɛ mbeyaka ntetemala mbadia wenya, wendelo w’eyoyo ndo mbadia oko ombeki kaanga l’ɔkɔngɔ wa nde batizama. Naka wɛ l’opandjudi ɔmɔtshi nyekɔ lo mbeka la nde, kete opandjudi akɔ nde lawɔ kokaka mbadia wenya