Woho wa kamba la tovidɛo ta wekelo wa Bible

Tekɔ la tovidɛo tɔnɛi ta wekelo wa Bible takamba latɔ l’olimu w’esambishelo. Naa oyango wa vidɛo la vidɛo?

• 

  Lande na mbeka Bible?​—vidɛo y’otondo yakalɔngɔswama dia nomialomia nsaki k’onto oya lo Bible oyadi waetawɔ akɔna wele lande. Yɔ keketshaka wanɛ wayenda dia nyanga lo Bible ekadimwelo lo ambola w’ohomba wa lo lɔsɛnɔ ndo yɔ mbishaka ekadimwelo wokɛma hwe lo ambola akɔ. Yɔ nembetshiyaka woho wa nɔmba wekelo wa Bible.

• 

  Lande na mbeka Bible? (vidɛo ya mondo) yekɔ woho akɔ waamɛ oko vidɛo y’otondo, koko yɔ yekɔ etenyi ka l’asato ka vidɛo y’otondo. Yɔ kimanyiyaka dia nsawoIa l’anto wa l’ɛtshi ka nkɛtɛ wele bu la wenya efula.

• 

  Ngande wasalema wekelo wa Bible? yakalɔngɔswama dia nomialomia nsaki k’onto oya lo ekongelo ka wekelo wa Bible w’ofele ndo yɔ mbishaka ekadimwelo lo ambola amɔtshi waleka anto ndjaoka, mbidja ndo woho wa nɔmba wekelo wa Bible.

• 

  Yaayo lo wekelo ayɛ wa Bible yakalɔngɔswama dia mɛnya ambeki wa Bible. Kanga mbele vidɛo shɔ yekɔ lo mbɔtwɛlɔ ka lɛkɛ la hende la dibuku Ngɛnangɛnaka la lɔsɛnɔ pondjo pondjo!, sho koka ndjɛnya kaanga etena kakɛtshanyaso oma lo biukubuku Ngɛnangɛnaka la lɔsɛnɔ pondjo pondjo! Vidɛo yakɔ mɛnyaka kɛnɛ katanema lo dibuku ndo kɛnɛ kahomba ombeki wa Bible nongamɛ etena k’ɔkɛtshanyelo.

Kaanga mbele vidɛo tshɛ yekɔ l’oyango ɔmɔtshi wa laande, sho koka mɛnya kana ntomɛ onto tshɛ ndo l’etena tshɛ kele dui sɔ ohomba. Apandjudi keketshamaka dia ndjaekesanyiya la tɔ l’oyango wa kambaka la tɔ dimɛna l’olimu w’esambishelo.