Kana yimba lo awui woleki ohomba wakayeke

Onde wɛ atongaka l’okakatanu wa mbohɔ akambo wakiyɛ oma la mbeka? Dui sɔ tokomɛka tena la tena. Kakɔna kakoka kokimanyiya? Kana yimba lo awui woleki ohomba.

Etena katayeke, temalaka dia mbɔsa nɔtɛ lo tokanyi toleki ohomba. Lembetɛ woho wakakimanyiya ɔpɔstɔlɔ Pɔɔlɔ wanɛ wakasɛdingolaka mukanda ande dia nsala dui sɔ etena kakandafunde ate: “Otondo wa dikambo wa kɛnɛ kataso vɔ ɔnɛ.” (Hɛb. 8:1) L’ɛtɛkɛta ɛsɔ, nde akakimanyiya ampokami ande dia vɔ ndjela ekanelo kande ndo nshihodia woho wakɔtɔnɛka tshɛtɛ ya dui tshɛ la ɔtɛ a dui.

Wɛ koka ntshika yema ya wonya, ondo kaanga minitɛ dikumi l’ekomelo ka wekelo ayɛ dia nkana yimba l’awui woleki ohomba wakayeki. Naka wɛ hayowaohɔ, kete yanga ɛtɛ w’awui kana ditelo di’ɔtɛ a dui, mbuta ate etelo ka ntondo k’oseka odingɔ tshɛ dia kokimanyiya dia wɛ mbohɔ. Naka wɛ ambeka dui di’oyoyo, hemba dia dilembetshiya l’ɛtɛkɛta ayɛ hita. Etena kavusolayɛ awui woleki ohomba, wɛ hatowaohɔ tsho koko wayokokimanyiya dia wɛ mbeya woho wa nkamba la wɔ lo lɔsɛnɔ layɛ.