BIBLE TSHIKITANYAKA NSƐNƆ Y’ANTO

Vɔ wakatane “didi diele la nɛmɔ efula”

Yeso aketsha dia Diolelo dia Nzambi diayokandola ekakatanu wele l’anto. (Mateo 6:10) Lo Mateo 13:44-46, nde akakambe la bɛnyɛlɔ pende dia mɛnya nɛmɔ diele l’akambo wa mɛtɛ wendana la Diolelo dia Nzambi:

Esato womamatanyi: Apami ahende wa lo bɛnyɛlɔ diakakambe la Yeso. 1. Pami kɛmɔtshi akamba l’ekambɔ ndo aamba efula l’ɔtɛ wa kɛnɛ kamondokondja. 2. Pami kikina okime didi dimɔtshi ndo amɔnamɔna.

Pami kɛmɔtshi akakambaka l’ekambɔ ndo la shashimoya nde akatane ɛngɔ kɛmɔtshi ka nɛmɔ kakashɛma.
Omundji ɔmɔtshi w’okanda wakatayangaka adidi w’amɛna efula ko akatotanaka didi dimɔtshi diele la nɔmɛ di’efula.

Apami akɔ ahende wakasondja kɛnɛ kaki lawɔ l’ɔngɛnɔngɛnɔ tshɛ l’oyango wa nkondja kɛnɛ kakawatane. Apami asɔ wekɔ didjidji di’anto wɔsa Diolelo dia Nzambi la nɛmɔ di’efula ndo wasala kɛnɛ tshɛ kakokawɔ nsala dia nkondja ɛtshɔkɔ adiɔ. (Luka 18:29, 30) Lo vidɛo yayela, enda ɔkɔndɔ wa bɛnyɛlɔ di’anto ahende wele oko anto wɔtɛkɛtami lo bɛnyɛlɔ dia Yeso.