Nɔtɛ ka l'ɛse ka dikatshi

a Jehowa akɛnyaka otshikitanu lo woho wakɔsaka ekambi ande luudu lande l’ekila lo nshi ya ntondo, lo mbuta ɔnɛ: “Lo nsala ɛɔtwɛlɔ kawɔ suke la ɛɔtwɛlɔ kami ndo ekundji kawɔ ka la soko suke la ekundji kami ka la soko, paka ehele keto mbele lam’asami la wɔ, vɔ wakadje lokombo lami l’ekila mindo la akambo wa wɔnɔnyi wakawasale.” (Ɛzk. 43:8) Lo Jɛrusalɛma y’edjedja, aki paka ehele keto mbaki lam’asa tɛmpɛlɔ ka Jehowa la mvudu y’anto. Lam’ele anto wakatshike ndjela atɔndɔ wa Jehowa wosembwe, vɔ wakadje luudu la Jehowa mindo ndo wakela ɔtɛmwɛlɔ awɔ wa dikishi lɔkɔ. Jehowa kokoka diha washo lo dui sɔ!