Nɔtɛ ka l'ɛse ka dikatshi

a Lam’ewoyawɔ Diolelo diaki Nzambi, Ɛmɛnyi wa Jehowa hawoyatambiya l’awui wa pɔlitikɛ kana tshutshuya anto dia tɔmbɔkwɛ mandji yalɔmbɔla, oyadi kânga lo wedja wambowoshimbaka olimu w’Ɛmɛnyi wa Jehowa kana lo wedja wahɛnyahɛnyamawɔ. (Tito 3:1) Koko, vɔ salaka la wolo dia mbisha anto ekimanyielo k’ɔlɔlɔ ka lo nyuma, aha la ndjatambiya l’awui wa pɔlitikɛ nɛ dia vɔ ndjelaka ɛnyɛlɔ kaki Yeso la k’ambeki ande wa lo ntambe ka ntondo. Ɛmɛnyi wa Jehowa salaka la wolo dia kimanyiya anto wele l’etema w’ɔlɔlɔ l’atshunda wotshikitanyi wodjashiwɔ dia vɔ kitanyiya atɔndɔ wa lo Bible wendana la ngandji ka l’atei wa nkumbo, losembwe, pudipudi ka lo yimba, ndo la dionga di’ɔlɔlɔ l’olimu. Ntondotondo, vɔ salaka la wolo dia mbaetsha woho wa ndjela atɔndɔ wa lo Bible ndo mbɔsa Diolelo diaki Nzambi oko elongamelo ka shikaa le anto.