Nɔtɛ ka l'ɛse ka dikatshi

a L’andja ɔnɛ wa kɔlɔ ekɔ wolo ntana anto wele la losembwe. Koko miliyɔ y’anto ɛlɔ kɛnɛ wekɔ lo ndjela mboka ka losembwe. Aha la taamu, wɛ ekɔ ɔmɔtshi l’atei w’anto asɔ. Wɛ ekɔ lo ntetemala ndjela mboka kɛsɔ nɛ dia wɛ nangaka Jehowa ndo Jehowa nangaka losembwe. Ngande wakokaso ndeka mpamia ngandji kaso lo kɛnɛ kendana la losembwe? Lo sawo nɛ tayolembetshiya ele losembwe, ndo wahɔ wayotokondja lo lilanga. Tayɔsɛdingola nto awui amɔtshi wakokaso nsala dia nkeketsha ngandji kaso lo dionga sɔ.