Ɛnyɛlɔ ka ngandji kakatosha Nzambi

1. Jehowa Nzambi akatɛnya mboka

Ka ngandji,

Ka ngandji.

Ɔsɔ mɛt’ekɔ mboka ka dimɛna;

Tokiyele,

Tokiyele.

Nyɛsɔ toyele mboka kaki Nzambi,

Tɔ sembɔ tɔɔ ndo kekɔ olowanyi.

Mboka katotshumanya, ka wɔladi

Ndo ka ngandji.

Mboka ka ngandji.

2. Nyɛsɔ tokake anangɛso ngandji

Ka mɛtɛ,

Ka mɛtɛ.

Tâkimanyiya lo ngandji ka Nzambi.

Tonge kâmɛ,

Tonge kâmɛ.

Dia sho dimanyiya anto akina,

Dia sho mbikikɛ kɔlɔ y’ant’akina,

Paka sho mbokoya Nzambi lo mboka

Anto ngandji,

Towaoke ngandji.

3. L’ɔtɛ wa ngandji mbakambɛso Nzambi

Lushi tshɛ,

Lushi tshɛ.

Tôkitanyiya l’ɔlɔ ndo la ngandji,

Tôtombole,

Tôtombole.

Tewoya lokomb’ande le anto tshɛ

Ke’ weye akambo wa mɛtɛ vɔ tshɛ.

Etema waso totomaka nshi tshɛ

’Tsha lo ngandji,

Otsha lo ngandji.