Onde wɛ mbokaka sso mbala la mbala lo ekongelo ka nsanganya kele lo dibaya?

Dikumanyi, ekambi wakimanyiya, ndo apandjudi akina wele l’ɛkɛndɛ l’etshumanelo pombaka mbokaka sso mbala la mbala lo ekongelo ka nsanganya kahanema lo dibaya, dia vɔ mbeya etena kahombawɔ nsala ɛkɛndɛ awɔ. Koko ase etshumanelo tshɛ wayokondja wahɔ oma lo mbokaka sso lo ekongelo ka lo dibaya kɛsɔ. Onde wɛ mbeyaka mbala kanyu ka mɔmba Mbalasa ka Diolelo? Onde wɛ mbeyaka kana wakahanɛ diewoyelo dimɔtshi di’ohomba diakatomɛ omendji w’otshimbedi kana Bɛtɛlɛ etshumanelo kanyu? Onde wɛ mbeyaka ɔtɛ wa sawo diayoshama lomingu layaye l’oyango wa wɛ mbelɛ ambeki ayɛ wa Bible dia vɔ ndjodiyela? Onde wɛ mbeyaka etshikitanu wambosalema lo kɛnɛ kendana la wɔtwɛlɔ wa nsanganya ya l’etshumanelo kana etshikitanu wendana l’olui anyu w’esambishelo? Waewoyelo asɔ tshɛ hawoyewoyama nto wonya wasalema nsanganya, ndo dikumanyi bu l’etena ka tatɛka opandjudi tshɛ l’onto ndo l’onto waewoyelo wele lo dibaya. Ɔnkɔnɛ, sho pombaka mbokaka sso mbala la mbala lo ekongelo ka nsanganya kahanema lo dibaya. Naka sho mendaka ekongelo kɛsɔ mbala la mbala, kete akambo tshɛ koka salema “dimɛna ndo aha l’ofukutanu.”​—1 Kɔr. 14:40.