“Onde wɛ ambɛnaka onto lakamba olimu ande dimɛna? Nde ayemala la ntondo ka nkumi ya dikanga; nde hatemala la ntondo ka anto k’anto.”

Tokedi 22:29

“Ɔnɛ latovaka atovake nto; koko nde akambe efula, akambe olimu w’ɔlɔlɔ la anya ande dia nde monga la yangɔ ya nkahana l’onto lele lo dihombo.”

Ɛfɛsɔ 4:28

“Onto tshɛ pombaka ndɛ, nnɔ ndo ngɛnangɛna l’ɔtɛ wa olimu ande tshɛ wa wolo. Ɔsɔ ekɔ woshasha wa Nzambi.”

Ondaki 3:13

“Onto lalanga monga la etena k’ɔngɛnɔngɛnɔ komaka kanga wola; onto lalanga wanu ndo esɔ hatonga ɔngɔnyi.”

Tokedi 21:17

“Ɔsɔmbi ekɔ mfumbe k’ɔsɔndjanyi.”

Tokedi 22:7

“Onto akɔna l’atei anyu lalanga mbika luudu lotangakadi ko nde hatadjashi ntondo dia nkamba akumi ndo menda kana nde ayonga l’akoka wa lishidiya? Naka nde hasadi ngasɔ, kete nde ayotatɛ mbika, koko hatonga l’akoka wa lishidiya, ko anto tshɛ wenda wayotatɛ mbɔɔla, wata vate: ‘Pami kɛnɛ akatatɛ mbika luudu, koko nde hongi l’akoka wa lishidiya.’”

Luka 14:28-30

“Lam’akawalote, nde akatɛ ambeki ande ate: ‘Nyotshumanya bɛtshi diotshikadi diaha nshisha ndooko yema.’”

Joani 6:12

“Ndeka dimɛna ndɛ akatshikatshi lam’ele ngandji lo dihole dia ndɛ ngɔmbɛ ya wata lam’ele lohetsho.”

Tokedi 15:17

“Dimi Jehowa kele Nzambi kayɛ, Ɔnɛ latoketshaka dikambo dia wahɔ ayɛ, Ɔnɛ lakɔlɔmbɔla lo mboka kahombayɛ nkɛndakɛnda.”

Isaya 48:17

“Ɔngɛnɔngɛnɔ le wanɛ weya ehomba awɔ wa lo nyuma, nɛ dia Diolelo dia l’olongo diekɔ diawɔ.”

Mateo 5:3

“Langa wonyayɛ onto oko wayalangayɛ.”

Mateo 22:39

“Nyosale anto kɛnɛ kalanganyu vɔ nyosalɛ.”

Luka 6:31

“Ɔngɛnɔngɛnɔ le wanɛ woka ɔtɛkɛta wa Nzambi ndo wawokitanyiya!”

Luka 11:28

“Kaanga etena kele onto la diangɔ efula, lɔsɛnɔ lande halolemanɛ la diangɔ diele la nde.”

Luka 12:15

“Ɔnkɔnɛ, naka tekɔ la yangɔ ya ndɛ ndo dihɔndɔ dia ndɔta, tɔngɛnɛngɛnɛ la diangɔ sɔ.”

1 Timɔte 6:8

“Ɔngɛnɔngɛnɔ waya lo mbisha ndeka wa nongola.”

Etsha 20:35

“Kitsha wotsho ayɛ le Jehowa, ko nde ayokosukɛ. Nde hetawɔki pondjo dia onto ɔlɔlɔ nkɔ.”

Osambo 55:22

“Asangwelo wa kanga etete konyaka mɛtɛ lo otondoyelo, koko wanɛ tshɛ wasala akambo la esasesase wayonga wola ndooko onyake.”

Tokedi 21:5

“Tokake wɔma, nɛ dia dimi lekɔ kaamɛ la yɛ. Toyakiyanyake, nɛ dia dimi kele Nzambi kayɛ. Dimi layokokeketsha, eelo, dimi layokokimanyiya, lo mɛtɛ dimi layokokimɛ la lonya lami l’omi la losembwe.”

Isaya 41:10

“Onto akɔna l’atei anyu akoka nkotsha kubita 1 lo otale wa lɔsɛnɔ lande l’ɔtɛ wayakiyanyande?”

Mateo 6:27

“Tanyoyakiyanyake pondjo dikambo dia loyi, nɛ dia loyi ayonga la ekiyanu alɔ. Lushi la lushi lekɔ la ekakatanu alɔ.”

Mateo 6:34

“Dia nyu nshikikɛ akambo woleki ohomba.”

Filipɛ 1:10

“Lo oseka dikambo tshɛ, tanyoyakiyanyake, koko nyote Nzambi ehomba anyu lo dɔmbɛlɔ la ɛsɛngɔsɛngɔ kaamɛ ndo la eokelo ka losaka, ko wɔladi wa Nzambi woleki tokanyi tshɛ wayolama etema anyu la timba tanyu lo tshimbo ya Kristo Yeso.”

Filipɛ 4:6, 7

WAOMI/AMBUTSHI W’APAMI

“Woho ɔsɔ mbele waomi pombaka nanga wadɛwɔ oko alemba awɔ hita. Pami kalanga wadɛnde ndjalangaka ndamɛ, nɛ dia ndooko pami kahetsha demba diande hita, koko nde dileshaka ndo dilɔngɔsɔlaka . . . Pami tshɛ l’atei anyu pombaka nanga wadɛnde oko wayalangande.”

Ɛfɛsɔ 5:28, 29, 33

“Nyu ambutshi w’apami, tanyotshake ananyu nkɛlɛ, koko nyotetemale mbaodia lo ohokwelo ndo lo alako wa Jehowa.”

Ɛfɛsɔ 6:4

WAA WADI

“Wadi . . . pombaka monga la dilɛmiɛlɔ di’efula otsha le omɛnde.”

Ɛfɛsɔ 5:33

“Nyu wadi, nyoyakitshakitsha l’ɛse ka waomɛnyu oko wahombadiɔ monga lo Nkumadiɔndjɔ.”

Kɔlɔsayi 3:18

ANA

“Ana, nyokitanyiya ambutshi anyu lo woho wetawɔma le Nkumadiɔndjɔ, nɛ dia dikambo sɔ diekɔ ɔlɔlɔ. ‘Lɛmiya shɔ la nyɔ.’ Ɔsɔ kele ɔlɛmbɛ wa ntondo wele la daka nɛ: ‘Dia wɛ mpomɔ lokolo l’ɔlɔ ndo dia wɛ nsɛna edja la nkɛtɛ.’”

Ɛfɛsɔ 6:1-3

“Nyu ana, nyokitanyiya ambutshi anyu l’oseka dikambo tshɛ nɛ dia dui sɔ mbangɛnyangɛnya Nkumadiɔndjɔ.”

Kɔlɔsayi 3:20