Rɛferansɛ wa lo Dikatshi dia losanganya la Lɔsɛnɔ ndo olimu aso

NGƆNDƆ KA SATO 4-10

AKAMBO W’OHOMBA W’OMA L’ƆTƐKƐTA WA NZAMBI | RƆMƆ 12-14

“Nkɛnɛmɔla ngandji k’Okristo kɛdikɛdi na?”

it-1-F 52-53

Ngandji

Ngandji k’onto l’ɔnango (lo Grɛkɛ, phi·la·del·phiʹa, tshɛkɛta lo tshɛkɛta, “ngandji koka onto ɔnango”) pombaka monga lam’asa ase etshumanelo tshɛ k’Akristo. (Rɔm 12:10; Hɛb 13:1; enda nto 1Pe 3:8.) Ɔnkɔnɛ, ase etshumanelo pombaka monga la diɔtɔnganelo dia ma ma, dia wolo, ndo dia dimɛna efula oko ase nkumbo ka lo demba. Kaanga mbele anangɛso wa l’etshumanelo wokɔkɛnɛmɔlaka ngandji k’onto l’ɔnango, vɔ keketshamaka dia nsala dui sɔ lo yɛdikɔ y’efula.​—1Tɛ 4:9, 10.

Vɔ kambaka la tshɛkɛta ya lo Grɛkɛ phi·loʹstor·gos, yalembetshiya ‘monga la ngandji k’efula,’ etena katɛkɛtawɔ dikambo dia onto lele la lɔngɛnyi la ma ma l’onto okina. Tshɛkɛta tshɔi l’atei wa tɔnɛ takenga, sterʹgo, kambemaka mbala efula dia ntɛkɛta dikambo dia ngandji ka lootɔ kele oko kɛnɛ konga lam’asa ase nkumbo. Ɔpɔstɔlɔ Pɔɔlɔ akakeketsha Akristo dia monga la dionga sɔ. (Rɔm 12:10) Pɔɔlɔ akɛnya nto dia nshi y’ekomelo anto ‘hawotonga la ngandji ka lam’asa ase nkumbo’ (Grɛkɛ, aʹstor·goi) ndo ɔnɛ anto asɔ sunganaka ndjakema.​—2Ti 3:3; Rɔm 1:31, 32.

w09 10/15 8 od. 3

‘Nyodjasɛ l’anto tshɛ ki’

w07 7/1 26 od. 12-13

“Tanyukaloyake untu kolo lu kolo”

w12 11/15 29 od. 13

Todimanyiyane lam’asaso l’otema ɔtɔi

Toyange diangɔ di’oshinga wolo dia lo nyuma

lvs 76-77 od. 5-6

Woho wa nsɔna tɔkɛnyɔ

w08 6/15 31 od. 4

Akambo w’ohomba w’oma lo mukanda wa Rɔmɔ

13:1​—Lo yoho yakɔna yele ewandji wa laadiko ‘kitshama l’ahole wewɔ oma le Nzambi’?

NGƆNDƆ KA SATO 11-17

AKAMBO W’OHOMBA W’OMA L’ƆTƐKƐTA WA NZAMBI | RƆMƆ 15-16

“Endɛ le Jehowa dia nkondja ekikelo ndo esambelo”

w17.07 14 od. 11

“Nyolele la wanɛ walela”

w16.04 10 od. 5

“Nyetawɔ dia ekikelo nkotsha oyango atɔ”

w14 6/15 14 od. 11

“Olange Jehowa Nzambi kayɛ”

Toyange diangɔ di’oshinga wolo dia lo nyuma

w89-F 12/1 24 od. 3

‘Nyende kana nyekɔ la ngandji ka mɛtɛ’

Lo mɛtɛ, anangɛwɔ w’ase wedja wakahombe tshutshuyama dia nkimanyiya asekawɔ waki l’ehemba. Laadiko dia laasɔ, vɔ waki la “dibasa” dia laande otsha le Akristo wa la Jɛrusalɛma. Nɛ dia oma la Jɛrusalɛma mbakadiangana lokumu le ase wedja. Pɔɔlɔ akafunde ate: ‘Akristo w’ase Juda wa l’osomba wa Jɛrusalɛma wakakahana diangɔ diakiwɔ dia lo lomu kaamɛɛ la anɛ wele keema ase Juda; angɛndangɛnda vɔ lawɔ laasɔ weekɔ la dia mbakimanyiya la diangɔ diakiwɔ dia lo demba.’​—Rɔmɔ 15:27, Dyookaneelo di’Oyoyo.

it-2-F 647 od. 2

Dui diakeyama la ntondo

Mɛsiya kana Kristo, mbakahombe monga kanula yakalakema ndo oma lo tshimbo yande mbakahombe anto w’ɛlɔlɔ tshɛ wa lo nkɛtɛ k’otondo tshɔkwama. (Nga 3:8, 14) Dikambo diendana la “kanula” shɔ diakatɛkɛtama mbala ka ntondo l’ɔkɔngɔ w’ɔtɔmbɔkwɛlɔ wa l’Ɛdɛna, la ntondo ka Abɛlɛ mbotɔ. (Eta 3:15) Dui sɔ diakasalema ɛnɔnyi oko 4 000 la ntondo ka “sheke y’ekila” mbishɔma, etena kakeyama shikaa ɔnɛ laki Mɛsiya kana “kanula.” Koko sheke shɔ “yakashɛma edja efula.”​—Rɔm 16:25-27; Ɛf 1:8-10; 3:4-11.

NGƆNDƆ KA SATO 18-24

AKAMBO W’OHOMBA W’OMA L’ƆTƐKƐTA WA NZAMBI | 1 KƆRƐTƆ 1-3

“Onde wɛ ekɔ onto la lo demba kana onto lele la lonyuma?”

w18.02 19 od. 4-5

Monga onto lele la lonyuma la dimɛna kɛdikɛdi na?

w18.02 19 od. 6

Monga onto lele la lonyuma la dimɛna kɛdikɛdi na?

w18.02 22 od. 15

Monga onto lele la lonyuma la dimɛna kɛdikɛdi na?

Toyange diangɔ di’oshinga wolo dia lo nyuma

it-2-F 854 od. 5

Lomba

Anto walɔmbɔma la lomba la l’andja ɔnɛ wakatone woshasha waki Nzambi wakandakimɔ lo tshimbo ya Kristo ndo wakawɔshi oko dikambo di’enginya. Kaanga mbakayataka ewandji wa l’andja ɔnɛ dia wekɔ l’akoka wa nɔmbɔla, vɔ wakakome polo ndo lo ‘ndjaka Nkumadiɔndjɔ ka lotombo.’ (1Kɔ 1:18; 2:7, 8) Koko, Nzambi lo wedi ande, akɛnya hwe dia lomba la l’andja ɔnɛ mbele dikambo di’enginya, etena kakandasha anto awɔ wa tomba nsɔnyi, lo nkamba la kɛnɛ kɔsawɔ vɔ oko “dikambo di’enginya diaki Nzambi,” mbidja ndo anto wɔsawɔ oko ‘akanga a dinginya, wɛɔdu ndo anto w’anyanya,’ dia nkotsha sangwelo diande diahatshikitanyemaki pondjo. (1Kɔ 1:19-28) Pɔɔlɔ akohola Akristo wa la Kɔrɛtɔ ɔnɛ ‘lomba la dikongɛ nɛ di’akambo [ndo] lomba la emboledi wa dikongɛ nɛ di’akambo’ layolanyema; ndo lomba lɔsɔ komonga l’atei wa losango la lo nyuma la apɔstɔlɔ. (1Kɔ 2:6, 13) Nde akahɛmɔla Akristo wa la Kɔlɔsayi diaha vɔ mindama oko mfumbe “lo tshimbo y’akambo wa filozofi [phi·lo·so·phiʹas, tshɛkɛta lo tshɛkɛta, ngandji ka lomba] ndo awui w’anyanya wa lokeso lo ndjela mbekelo y’anto.”​—Kɔl 2:8; ɛdika la divɛsa 20-23.

w08 7/15 27 od. 6

Akambo w’ohomba w’oma lo mikanda wa Kɔrɛtɔ

NGƆNDƆ KA SATO 25-31

AKAMBO W’OHOMBA W’OMA L’ƆTƐKƐTA WA NZAMBI | 1 KƆRƐTƆ 4-6

“Yema ya wodoya tshitshɛ mbidoyaka ofushi tshɛ wa lɔsɔha”

it-2-F 130

Wodoya

Ɔpɔstɔlɔ Pɔɔlɔ akakambe l’ɛtɛkɛta akɔ waamɛ etena kakandadjangɛ ase Kɔrɛtɔ dia mbitshanya pami kɛmɔtshi kakasalaka awui wa mindo oma l’etshumanelo, nde akate ate: “Onde nyu hanyeye dia yema ya wodoya tshitshɛ mbidoyaka ofushi tshɛ wa lɔsɔha? Nyonya wodoya w’edjedja dia nyu monga ofushi wa lɔsɔha w’oyoyo waha kaanga la yema ya wodoya. Nɛ dia lo mɛtɛ, Kristo lele ɔna ɔkɔkɔ w’Elekanelo ambolambɔmaka.” Nde akɛnya hwe kɛnɛ kakalembetshiyaka “wodoya” lo mbuta ɔnɛ: “Ɔnkɔnɛ nyɛsɔ tosale fɛtɛ, aha la wodoya w’edjedja, aha la wodoya w’akambo wa kɔlɔ ndo wa pɛkato, koko la mapa waha la wodoya w’oshika ndo wa mɛtɛ.” (1Kɔ 5:6-8) Lanɛ Pɔɔlɔ akakambe la elembetshielo wa didjidji wendana la fɛtɛ k’ase Juda ka mapa waha la wodoya wakayelanaka mbala kakɔ ɔtɔi la dambo di’elekanelo. Oko wakoka yema y’ofushi tshitshɛ ya lɔsɔha yele la wodoya mbidoya ofushi w’efula wa mapa, ngasɔ mbakoka etshumanelo k’otondo ndjonga mindo lo washo wa Jehowa, naka hawotshanyisha onto lasala awui wa mindo lakoka monga la shɛngiya ya kɔlɔ le anto akina. Vɔ pombaka nsala la wolo dia minya “wodoya” ɔsɔ oma l’atei awɔ oko waki ase Isariyɛlɛ kopombaka monga la wodoya lo mvudu yawɔ lushi la fɛtɛ.

it-2-F 903-904

Satana

Kakɔna kalembetshiya ‘nkimɔ onto le Satana dia ndanya demba’?

Dia mbetsha ase etshumanelo ka la Kɔrɛtɔ dionga diakawahombe monga la diɔ otsha le ose etshumanelo lakasalaka loseka la wadi aki she, ɔpɔstɔlɔ Pɔɔlɔ akafunde dia vɔ wakahombe “nkimɔ pami kɛsɔ le Satana dia ndanya demba.” (1Kɔ 5:5) Mbitshanya onto oma l’etshumanelo ndo mpembola diɔtɔnganelo la nde, aki tshondo ya didjango. (1Kɔ 5:13) Mbokimɔ le Satana nembetshiyaka mbotondja oma l’etshumanelo otsha l’andja wele Satana mbele nzambi ndo ɔnɔmbɔdi. Oko wadoya “yema ya wodoya tshitshɛ” “ofushi tshɛ” wa lɔsɔha, pami kɛsɔ aki ‘demba,’ mbuta ate onto la lo demba laki l’etei k’etshumanelo, ndo lo mbitshanya onto lakeyanaka la wadi aki she ɔsɔ, etshumanelo kɛsɔ kakahombe ndanya “demba” oma l’etei katɔ. (1Kɔ 5:6, 7) Woho akɔ waamɛ mbele, Pɔɔlɔ akakimɔ Himeneya la Alɛksandɛrɛ le Satana, nɛ dia vɔ wakasɛkɛ mbetawɔ ndo komonga la nkum’otema ka dimɛna.​—1Ti 1:20.

lvs 241, nɔtɛ ka la koma

Mbitshanyema

Toyange diangɔ di’oshinga wolo dia lo nyuma

w09 5/15 24 od. 16

Andjelo wekɔ ‘ditongami dia lo nyuma diatokambaka olimu wa lo sɛkɛ’

it-2-F 151 od. 2

Ɛlɛmbɛ

Ɛlɛmbɛ wendana la andjelo. Kaanga mbele andjelo la dihole dia laadiko ndeka anto, vɔ la wɔ wekɔ l’ɛse k’ɛlɛmbɛ ndo wandjango waki Nzambi. (Hɛb 1:7, 14; Os 104:4) Jehowa akasha kaanga otunyi ande Satana ɛlɛmbɛ ndo wadjango. (Jɔb 1:12; 2:6) Mikayɛlɛ, owandji w’andjelo aketawɔ ndo akalɛmiya dihole diele la Jehowa oko Shushi ya laadiko, lo mbutɛ Satana etena kakawakakatanaka ɔnɛ: “Jehowa akohangwe.” (Jud 9; ɛdika la Zɛk 3:2.) Jehowa Nzambi akakitsha andjelo tshɛ l’ɛse ka lowandji la Yeso Kristo. (Hɛb 1:6; 1Pe 3:22; Mat 13:41; 25:31; Flp 2:9-11) Ɔnkɔnɛ, Yeso mbakatome ondjelo otsha le Joani. (Ɛny 1:1) Ndo nto, lo 1 Kɔrɛtɔ 6:3, ɔpɔstɔlɔ Pɔɔlɔ ekɔ lo ntɛkɛta dikambo di’anango Yeso wa lo nyuma, dia vɔ wakasɔnama dia nombosha andjelo, ondo nɛ dia vɔ wayosha lonya lo yoho mɔtshi dia ndanya nyuma ya kɔlɔ.