Rɛferansɛ wa lo Dikatshi dia losanganya la Lɔsɛnɔ ndo olimu aso
NGƆNDƆ KA NƐI 1-7
AKAMBO W’OHOMBA W’OMA L’ƆTƐKƐTA WA NZAMBI | 1 KƆRƐTƆ 7-9
“Lonyemba ekɔ woshasha”
w11 1/15 18 od. 3
Kamba dimɛna la lonyemba layɛ
w08 7/15 27 od. 1
Akambo w’ohomba w’oma lo mikanda wa Kɔrɛtɔ
7:33, 34—Naa “akambo wa lo andja ɔnɛ” wayakiyanya atshukanyi?
w96 11/1 8-9 od. 14
Lonyemba—Diaaso Dia Kamba Olimu La Yambalo Tshɛ
Toyange diangɔ di’oshinga wolo dia lo nyuma
Nɔtɛ ya la koma
w00-F 15/7 31 od. 2
Wɛ kokaka ntshikala pudipudi l’andja woludi l’awui wa mindo
Ɛlɔngɔlɔngɔ l’esekaseka hawohombe nsasɛ dia ntshuka kana tshukama etena katatɛwɔ monga la nsaki ya dieyanelo. Diwala diekɔ tshondo ya dɔkɔlɔkɔ, diakɔ diele dia onto ntshuka kana tshukama nde pombaka ntshunda. (Eta 2:24) Ndeka dimɛna nkonga dia ‘ndekanya ɛnɔnyi wa dikɛnda’ etena konga onto la nsaki k’efula ka dieyanelo, nɛ dia dui sɔ koka mfukutanya ekanelo kande. (1Kɔ 7:36) Hatonga dui dia lomba ndo ekɔ tshondo ya pɛkato naka opalanga w’olanga ntshuka kana tshukama ndjasha l’awui wa mindo wa dieyanelo paka l’ɔtɛ wahandatakondja olonganyi.
NGƆNDƆ KA NƐI 8-14
AKAMBO W’OHOMBA W’OMA L’ƆTƐKƐTA WA NZAMBI | 1 KƆRƐTƆ 10-13
“Jehowa ekɔ la kɔlamelo”
w17.02 29-30
Ambola w’oma le ambadi
Ɔpɔstɔlɔ Pɔɔlɔ akafunde ɔnɛ Jehowa “hatetawɔ dia nyu pembama oleki kɛnɛ kakokanyu mbikikɛ.” (1 Kɔr. 10:13) Onde dui sɔ nembetshiyaka dia Jehowa shikikɛka la ntondo kɛnɛ kakokaso mbikikɛ ko, oma laasɔ nde nsɔna ehemba wayohomana la so?
Toyange diangɔ di’oshinga wolo dia lo nyuma
w04-F 1/4 29
Ambola w’oma le ambadi
Lande na kele ɔkɔndɔ wa lo 1 Kɔrɛtɔ 10:8 mbutaka dia ase Isariyɛlɛ wakavu lushi ɔtɔi l’ɔtɛ wakawasale awui wa mindo wa dieyanelo waki 23 000, etena kele Walelo 25:9 mbutaka di’anto 24 000 mbakavu?
Otshikitanu ɔsɔ koka monga l’elembetshielo efula wotshikitanyi. Ondo lofulo shikaa l’anto asɔ laki lam’asa 23 000 kana 24 000.
Tɔshi ɛnyɛlɔ kekina. Ɔpɔstɔlɔ Pɔɔlɔ akatɛkɛta dia lɔkɛwɔ laki la ase Isariyɛlɛ la Shitimɛ oko ɛnyɛlɔ k’ɔhɛmwɛlɔ le Akristo waki la Kɔrɛtɔ k’edjedja, osomba wakeyamaka oma lo yoho yawɔ ya lɔsɛnɔ ya mindo. Nde akafunde ate: “Tatosalake awui wa mindo wa dieyanelo oko wakasale amɔtshi l’atei awɔ awui wa mindo wa dieyanelo, ko anto nunu akumi ahende la sato (23 000) l’atei awɔ wakadiakema lushi ɔtɔi.” Etena kakandatɛkɛta dikambo dia wanɛ wakasale awui wa mindo wa dieyanelo wakadiakema oma le Jehowa, Pɔɔlɔ akate dia lofulo lawɔ laki 23 000.—1Kɔ 10:8.
Koko Walelo tshapita 25 mbutaka ɔnɛ: “Ase Isariyɛlɛ wakayatambiya lo ɔtɛmwɛlɔ wa Baala ka Pɛɔrɛ. Ko Jehowa akomalɛ ase Isariyɛlɛ.” Oma laasɔ, Jehowa akatɛ Mɔsɛ dia ndjaka “ewandji tshɛ w’anto.” Ko Mɔsɛ akatɛ toshushi dia vɔ nsala dui sɔ. L’ekomelo, aha la tshimbatshimba, Finehasi akadiake ose Isariyɛlɛ lakaye la womoto l’ose Midiyana lo mpango, ko “sui diakɔ diakakomɛ.” Ɔkɔndɔ komɛka l’ɛtɛkɛta ɛnɛ: “Wanɛ wakavu la sui sɔ waki anto nunu akumi ahende la nɛi (24 000).”—Wal 25:1-9.
Ondo lofulo l’anto lɔtɛkɛtami lo Walelo mendanaka ndo la “ewandji tshɛ w’anto” wakadiakema oma le toshushi ndo wanɛ wakadiakema mbala kakɔ ɔtɔi oma le Jehowa. Ondo lofulo l’ewandji wakadiakema oma le toshushi laki kinunu ndo kɛsɔ mbakayokonya dia lofulo la wanɛ wakadiakema monga 24 000. Oyadi ewandji ɛsɔ wakasale awui wa mindo wa dieyanelo, wakasale fɛtɛ shɔ kana wakasukɛ wanɛ wakasale awui asɔ, vɔ waki l’onongo lam’ele wakayatambiya lo “ɔtɛmwɛlɔ wa Baala ka Pɛɔrɛ.”
Lo kɛnɛ kendana la tshɛkɛta ‘ndjatambiya’, dibuku dimɔtshi dialembetshiya Bible mbutaka dia yɔ koka nembetshiya “mamema la tshondo le onto ɔmɔtshi.” Ase Isariyɛlɛ waki wodja wakayakimɔ le Jehowa, koko etena ‘kakawayatambiya lo ɔtɛmwɛlɔ wa Baala ka Pɛɔrɛ,’ vɔ wakalanya diɔtɔnganelo diaki lam’asawɔ la Nzambi. Ɛnɔnyi oko 700 l’ɔkɔngɔ, lo tshimbo y’omvutshi Hɔsɛya, Jehowa akatɛ ase Isariyɛlɛ ɔnɛ: “Vɔ wakatshu le Baala ka Pɛɔrɛ, vɔ wakayakimɔ le ɛngɔ ka nsɔnyi efula, ndo wakayala wɔnɔnyi oko ɛngɔ kalangawɔ.” (Hɔs 9:10) Anto asɔ tshɛ wakasungana nongola dilanya oma le Nzambi. Diakɔ diakohola Mɔsɛ ana w’ase Isariyɛlɛ ɔnɛ: “Nyakɛnyi la washo anyu nyuamɛ kɛnɛ kakasale Jehowa lo dikambo dia Baala ka Pɛɔrɛ. Jehowa Nzambi kanyu akadiake onto tshɛ la l’atei anyu lakayele Baala ka Pɛɔrɛ.”—Eohwelo k’Ɛlɛmbɛ 4:3.
w15 2/15 30
Ambola w’oma le ambadi
Onde opandjudi wa Diolelo wa womoto pombaka nkanga kitambala etena kalɔmbɔlande wekelo wa Bible lale opandjudi wa pami?
NGƆNDƆ KA NƐI 22-28
AKAMBO W’OHOMBA W’OMA L’ƆTƐKƐTA WA NZAMBI | 1 KƆRƐTƆ 14-16
Nzambi ayonga “laadiko dia tshɛ”
w98 7/1 29 od. 10
‘Nyɔi Ayɔlɛmbiama’
kr 237 od. 21
Diolelo diekɔ lo nsala lolango laki Nzambi la nkɛtɛ
w12 9/15 12 od. 17
Wɔladi wayonga l’edja k’ɛnɔnyi kinunu ndo ndekana
Toyange diangɔ di’oshinga wolo dia lo nyuma
w12-F 1/9 9, kiombo
Onde ɔpɔstɔlɔ Pɔɔlɔ akashimbe wamato dia ntɛkɛta?
Ɔpɔstɔlɔ Pɔɔlɔ akafunde ate: “Wamato wɔlame lo tshumanelo.” (1Kɔ 14:34) Kakɔna kakandalange mbuta? Onde nde akavu tshɔdia dikambo dia yimba yawɔ? Ndooko. Mbala efula, nde akatɛkɛta dimɛna lo woho waketshaka wamato. (2Ti 1:5; Tit 2:3-5) Lo mukanda wakandafundɛ ase Kɔrɛtɔ, Pɔɔlɔ akalake aha tsho wamato, koko ndo anto waki la losha la ntɛkɛta l’ɛtɛkɛta ekina ndo mbuta prɔfɛsiya dia ‘mbɔlama’ naka ombetawudi okina ekɔ lo ntɛkɛta. (1Kɔ 14:26-30, 33) Ondo akadiyɛso amɔtshi w’Akristo waki l’ohetoheto lo dikambo dia mbetawɔ k’oyoyo kakonge la wɔ ko wakahembolaka ɔtɛkɛtshi ɔtɛkɛta dia mboka ambola oko waki mbekelo k’ase Ngirika. Dia mbewɔ ofukutanu ɔsɔ, Pɔɔlɔ akaakeketsha dia ‘tombola waomɛwɔ lawakawɔ.’—1Kɔ 14:35.
Kɛnɛ kahahɔndɛ
Oko wakolɔ Yeso, anango Yeso vɔ la wɔ mbolɔka dia monga aha tsho la lɔsɛnɔ la pondjo oko ditongami dia lo nyuma, koko ndo dia monga la demba diahavu ndo diahahɔndɛ. Etena kakawasɛnaka, vɔ wakakambe la kɔlamelo tshɛ ndo wakavu lo alemba w’ɛhɔndɛlɔ, kakianɛ vɔ wambolongola alemba wa lo nyuma wahahɔndɛ oko wakadite Pɔɔlɔ hwe lo 1 Kɔrɛtɔ 15:42-54. Ɔnkɔnɛ, tshɛkɛta demba diahavu mendanaka la yoho ya lɔsɛnɔ yonga la wɔ, mbuta ate lɔsɛnɔ la pondjo ndo lahalanyemaki, koko tshɛkɛta lɔsɛnɔ lahahɔndɛ mendanaka ondo la demba diawasha Nzambi diahalana. Ondo Nzambi mbashaka alemba wele la wolo wa ndjalɔngɔsɔla vɔamɛ, aha la mendɛ oma lo wolo okina oko wediɔ lo dikambo dia ditongami dikina oyadi dia l’emunyi kana dia lo nyuma. Mɛnamaka dia Nzambi mbɛkɛka otema le wɔ lo yoho ya laande. Koko woho wewɔ l’alemba wahendɛ oma lo wolo okina ndo wahalana, hɛnya dia vɔ bu l’ohomba w’ɛlɔmbwɛlɔ ka Nzambi. L’ɛnyɛlɔ ka Owandji awɔ Kristo Yeso, vɔ tetemalaka ndjakitshakitsha l’ɛse ka lolango ndo ɛlɔmbwɛlɔ ka Shɛwɔ.—1Kɔ 15:23-28; enda lo âme ndo immortalité.
NGƆNDƆ KA NƐI 29–NGƆNDƆ KA TANU 5
AKAMBO W’OHOMBA W’OMA L’ƆTƐKƐTA WA NZAMBI | 2 KƆRƐTƆ 1-3
Jehowa—“Nzambi k’esambelo tshɛ”
w17.07 13 od. 4
“Nyolele la wanɛ walela”
w17.07 15 od. 14
“Nyolele la wanɛ walela”
Toyange diangɔ di’oshinga wolo dia lo nyuma
Ambola w’oma le ambadi
“Eshikikelo” ndo “tshapa” yakɔna yalongola Okristo tshɛ w’okitami oma le Nzambi?—2 Kɔr. 1:21, 22; nɔtɛ.
▪ Eshikikelo: Lo ndjela dibuku dimɔtshi, tshɛkɛta ya lo Grɛkɛ yokadimɔmi ɔnɛ “eshikikelo” lo 2 Kɔrɛtɔ 1:22 yaki “tshɛkɛta yakakambaka la wɔ l’awui wa lɛɛta ndo l’awui w’okanda,” yalembetshiya “kɛnɛ kafuta onto ntondo, kɛnɛ kakimɔnde, tshenyi ya dikuta yakimɔ onto dia mɛnya dia nde aya kanga ɛngɔ kakɔ, dia mfuta oshinga wakisombande dia mɛnya dia nde aya la lotshungɔ lo ɛngɔ kakɔ ndo mɛnya dia vɔ wambokana.” Lo dikambo di’akitami, Jehowa mbashikikɛka la ntondo difuto diawɔ. Nde mbafutaka tshɛ lo tshɛ oko wotamidiɔ lo 2 Kɔrɛtɔ 5:1-5, le wɔ dui sɔ nembetshiyaka monga la demba diahahɔndɛ dia l’olongo. Difuto diawɔ mendanaka ndo la woshasha wa lɔsɛnɔ lahavu.—1 Kɔr. 15:48-54.
Lo Grɛkɛ ka nshi nyɛ, vɔ kambaka la etelo kafɔna la kɛsɔ dia ntɛkɛta dikambo dia pɛtɛ kalɔta wanɛ wambambanɛ. Ɛnyɛlɔ kɛsɔ sunganaka le wanɛ wayonga wadi a Kristo la didjidji.—2 Kɔr. 11:2; Ɛny 21:2, 9.
▪ Tshapa: Lo nshi y’edjedja, wakakambaka la tshapa oko djembetelo yɛnya lokanga kana diokanelo. Lo dikambo di’akitami, vɔ mbidjamaka “tshapa,” kana djembetelo lo yoho ya didjidji lo tshimbo ya nyuma k’ekila oko anto waki Nzambi. (Ɛf 1:13, 14) Okristo w’okitami mbidjamaka djembetelo lo pondjo l’etena kɛmɔtshi ntondo ka nde mvɔ la kɔlamelo kana la ntondo ka mfɔnu ka woke ntatɛ.—Ɛf 4:30; Ɛny 7:2-4.
w10-F 8/1 2
Onde wɛ akeyaka?
Kakɔna kakalange ɔpɔstɔlɔ Pɔɔlɔ mbuta etena kakandatɛkɛta dia “ɔnɔngɔ w’ambidji w’etshumba”?
▪ Pɔɔlɔ akafunde ate: “Nzambi . . . latotɔlɔmbɔlaka nshi tshɛ l’ɔnɔngɔ w’ambidji w’etshumba kaamɛ la Kristo ndo ɔnɛ lahandjola lo tshimbo yaso opumu wa ewo kande lo ahole tshɛ! Nɛ dia le Nzambi, sho tekɔ malashi wa dimɛna wa Kristo l’atei wa wanɛ washimbamɛ ndo l’atei wa wanɛ walanyema. Le wanɛ walanyema, nsolo ka nyɔi kakonya lo nyɔi ndo le wanɛ washimbamɛ, opumu wa lɔsɛnɔ wakonya lo lɔsɛnɔ.”—2 Kɔr. 2:14-16.
Ɔpɔstɔlɔ Pɔɔlɔ akatɛkɛta dikambo dia mbekelo kaki l’ase Rɔmɔ ka nkongɛ ɔnɔngɔ w’anto dia nsala fɛtɛ dikambo dia Jeneralɛ mɔtshi yambodja atunyi wa Wodja otshumba. Lo waaso wa ngasɔ, wakakitshaka diangɔ dia dimbo ndo ase lokanu lo sɛkɛ ndo wakakimɔka weshasha wa ngɔmbɛ etena kakadɛka anto Jeneralɛ ndo asɔlayi ande nsaka. L’ekomelo, vɔ wakakimɔka weshasha wa ngɔmbɛ ndo wakadiakaka ase lokanu efula.
Lo ndjela dibuku dimɔtshi (The International Standard Bible Encyclopedia) etelo k’ɔnɛ “opumu wa dimɛna wa Kristo” akalembetshiyaka lɔsɛnɔ le anto amɔtshi ndo nyɔi le anto akina, kakɔsamaka “ondo oma lo mbekelo y’ase Rɔmɔ ya tshumbaka tshɔ lɛnɛ atete ɔnɔngɔ w’anto. Opumu wakalembetshiyaka dia anto wambodja otshumba, akoholaka mfumbe nyɔi kakawakongɛka.”