AKAMBO W’OHOMBA W’OMA L’ƆTƐKƐTA WA NZAMBI | 2 KƆRƐTƆ 4-6
“Sho hatohekɔ”
Ohɔsa dia nkumbo hiende yekɔ lo mbidjasɛ lo luudu l’ovusu ndo la kɔlɔ efula. Nkumbo kɛmɔtshi kekɔ la lonyangu efula. Dui dia diambo ko, nkumbo kekina kekɔ l’ɔngɛnɔngɛnɔ. Lande na? Nkumbo ka hende kayonɔ keema edja lo luudu l’oyoyo la dimɛna efula.
Kaanga mbele, “ditongami tshɛ diekɔ lo ntetemala nkuma akumu kaamɛ ndo diekɔ lo nsowa kaamɛ polo ndo kakianɛ,” ekambi waki Nzambi wekɔ l’elongamelo kaakeketsha. (Rɔm 8:22) Sho mbeyaka dia oyadi asui wa nshi nyɛ kana wanɛ wambotɛnya paa l’edja k’ɛnɔnyi efula, wekɔ wa lo “tshanda mɔtshi tsho ndo bu wa wolo” lo mbɛdika la lɔsɛnɔ la pondjo l’andja w’oyoyo waki Nzambi. Naka sho mbika washo l’ɛtshɔkɔ wayela Diolelo lo nshi yayaye, kete dui sɔ diayotokimanyiya dia monga l’ɔngɛnɔngɛnɔ ndo diaha mpekɔ.