Polo lo yɛdikɔ yakɔna yɔsayɛ Ɔtɛkɛta wa Nzambi la nɛmɔ?

Bible kekɔ la tokanyi ndo la ɛtɛkɛta wa Jehowa Nzambi, ɔnɛ lele Kiɔkɔ ya dibuku di’ekila sɔ. (2Pe 1:20, 21) Lo mbika epole ɔsɛkɛ lo dikambo dia oyindjamelo wa lowandji laki Nzambi lo tshimbo ya Diolelo diande, Bible mbishaka anto tshɛ elongamelo k’ɔnɛ keem’edja, vɔ wayonga la nshi yayaye y’amɛna. Bible mɛnyaka nto lonto laki Jehowa, Shɛso ka ngandji lele l’olongo.—Os 86:15.

Ɔmɔmɔ la l’atei aso mbɔsaka Ɔtɛkɛta wa Jehowa la nɛmɔ l’ɔtɛ w’ɛkɔkɔ wotshikitanyi. Ko onde sho mɛnyaka dia sho mbɔsaka woshasha w’ohomba ɔsɔ la nɛmɔ lo mbaadiaka lushi la lushi ndo lo kambaka l’awui wa lɔkɔ lo lɔsɛnɔ laso? Etsha aso wɛɛnya dia sho mbetawɔka ɛtɛkɛta w’omembi w’esambo wata ɔnɛ: “Ande woho walangami ɛlɛmbɛ ayɛ lee!”​—Os 119:97.

NYENDE VIDƐO YELE L’ƆTƐ A DUI ƆNƐ: VƆ WAKƆSAKA BIBLE LA NƐMƆ​—ETENYI (WILLIAM TYNDALE) NDO OMA LAASƆ, NYOKADIMOLE LO AMBOLA WAYELA ANƐ:

• 

  Lande na kakakadimola William Tyndale tenyi dia Bible?

• Lande na kele welo wakandadje dia nkadimola Bible waki diambo efula?

• Ngande wakɔtɔ kɔpi ya Bible ka Tyndale lo woshɛshɛ l’Angleterre?

• Ngande wakoka ɔmɔmɔ la l’atei aso mɛnya dia nde mbɔsaka Ɔtɛkɛta wa Nzambi la nɛmɔ?