Dui diakɔna dioleki ohomba le mi?

Jakɔbɔ akalɔ la ondjelo l’ɔtɛ wa dui dimɔtshi di’ohomba efula, mbuta ate dia nde tshɔkwama oma le Jehowa. (Eta 32:24-31; Hɔs 12:3, 4) Ko kayotota lo dikambo diaso? Onde tekɔ lo nsala la welo aso tshɛ dia nkitanyiya Jehowa ndo tshɔkwama oma le nde? Ɛnyɛlɔ, naka sho pombaka nsɔna lam’asa mbɔtɔ lo nsanganya ndo nkamba la wenya ɛmɔtshi laadiko l’elimu aso wa l’emunyi, ɔsɔnwɛlɔ akɔna wayotosala? Etena kashaso Jehowa wenya aso woleki amɛna, wolo aso ndo ekundji aso, nde ayototshulolɛ ‘ɔtshɔkɔ polo ndo ndooko ɛngɔ kayotohomba.’ (Mal 3:10) Nde ayotɔlɔmbɔla, ayotokokɛ ndo ayokotsha ehomba aso.​—Mat 6:33; Hɛb 13:5.

NYENDE VIDƐO YELE L’ƆTƐ A DUI ƆNƐ: NYOTETEMALE MBIDJA YIMBA LO EYANGO ANYU WA LO NYUMA NDO OMA LAASƆ, NYOKADIMOLE LO AMBOLA WAYELA ANƐ:

• 

  Ngande wakahembama kadiyɛso oma lo dui dimɔ diakandalekaka nanga?

• 

  Ngande wakoka olimu aso monga tshondo y’ohemba le so?

• 

  Lande na kakahombe Timɔte ntetemala ndjadjɛ eyango wa lo nyuma kaanga mbakinde aya onto lambotshunda lo nyuma?​—1Ti 4:16

• 

  Ngande wɛnyaso dia olimu aso “mboleki ohomba efula”?