Wɛ nkoka nsambisha ndo mbetsha!

L’etatelo, Mɔsɛ akadje taamu l’akoka ande dia nkotsha ɔkɛndɛ wakawosha Jehowa. (Eto 4:10, 13) Onde wɛ atayaokaka lo yoho shɔ? Onde wɛ ekɔ lo mbeka Bible l’Ɔmɛnyi wa Jehowa ndo wɛ ekɔ lo ndjambola dia kana wɛ koka nsambisha lo luudu la luudu? Onde wɛ atayambolaka dia kana wɛ koka nsambisha lo luudu la luudu? Kana ondo wɛ eke dikɛnda ko ekɔ lo mboka wɔma dia nsambisha la kalasa. Kana mbeyaka monga ko wɛ ekɔ lo mboka wɔma dia ndjasha l’esambishelo ka lo telefɔnɛ kana lo toho tɔmɔtshi t’esambishelo ka losɛkɛ. Lɔmba Jehowa dia nde kosha wolo wa nyuma kande k’ekila. (1Pe 4:11) Onga l’eshikikelo dia nde koka kosha ekimanyielo kele la yɛ ohomba dia nkotsha ɔkɛndɛ tshɛ wakoshande.​—Eto 4:11, 12.

NYENDE VIDƐO YELE L’ƆTƐ A DUI ƆNƐ: ONGA LA DIHONGA . . . OPANDJUDI NDO OMA LAASƆ, NYOKADIMOLE LO AMBOLA WAYELA ANƐ:

• Okakatanu akɔna wakahomana la Aoyama?

• Lende akandakondja wolo ndo dihonga?​—Jɛr 20:7-9

• ’Ngande wakandakondja wahɔ oma lo nsala akambo efula l’olimu wa Jehowa?

• Ekakatanu akɔna wahomana la yɛ l’olimu w’esambishelo wakoka Jehowa kokimanyiya dia wɛ nsambisha?