AKAMBO W’OHOMBA W’OMA L’ƆTƐKƐTA WA NZAMBI | AKAMBO W’ASE LƐWI 8-9

Djembetelo y’ɔtshɔkɔ wa Jehowa

8:6-9, 12; 9:1-5, 23, 24

Jehowa akasale dia dja ntshumba olambo wa lotshumba wa ntondo wakalambola dioho di’ɛlɔmbɛdi di’Arɔna diaki dieke oma la sɔnama. Dui sɔ diakɛnya dia Jehowa ambosukɛ ndo ambetawɔ ɔsɔnamelo wa dioho sɔ. Ɔnkɔnɛ, Jehowa akakeketsha wodja w’Isariyɛlɛ wakatshumana lɛkɔ dia nsukɛ tshɛ lo tshɛ dioho di’ɛlɔmbɛdi sɔ. Ɛlɔ kɛnɛ, Jehowa ekɔ lo nkamba la Yeso Kristo lakatombɔma oko Ɔlɔmbɛdi a woke wa laadiko. (Hɛb 9:11, 12) Lo 1919, Yeso akasɔnɛ djui ya tshitshɛ y’apami w’akitami dia monga “ɔhɔmbɔ wa kɔlamelo ndo kɛsɔ.” (Mat 24:45) Djembetelo yakɔna yɛnya dia ɔhɔmbɔ wa kɔlamelo tshɔkwamaka, sukamɛka ndo mbetawɔmaka oma le Jehowa?

Kaanga la ntondo ka ɛhɛnyɔhɛnyɔ wa hɛnɛ pe, ɔhɔmbɔ wa kɔlamelo ekɔ lo ntetemala totondjɛ wa mma wa lo nyuma
Oko wakadiatatami, lokumu l’ɔlɔlɔ lekɔ lo nsambishama “lo nkɛtɛ k’otondo.”—Mat 24:14

Ngande wakokaso nsukɛ tshɛ lo tshɛ ɔhɔmbɔ wa kɔlamelo ndo kɛsɔ?

Osato wa tenyi tenyi: 1. Yeso Kristo lele Nkumekanga kakatombwama alɔmbɔla nkɛtɛ k’otondo. 2. Ɔhɔmbɔ wa kɔlamelo ndo kɛsɔ wosanganyi kaamɛ dia ntondja mbo ya ndɛ ya lo nyuma. 3. Ɔnangɛso ɔmɔtshi asambisha pami kɛmɔtshi lokumu l’ɔlɔlɔ.