Tɔsɔnɛ dia nkambɛ Jehowa

Naka wɛ eke opandjudi wahatabatizama kana ombeki wa Bible, onde wɛ ekɔ l’oyango wa batizama? Lande na kahombayɛ nkombola batizama? Ndjakimɔ ndo batisimu konyaka di’onto monga la diɔtɔnganelo dia laande la Jehowa. (Os 91:1) Awui asɔ nto konyaka di’onto nkondja panda. (1Pe 3:21) Ngande wakokayɛ nsala ehamelo dia ntakola wanya asɔ?

Yashikikɛ dia wɛ ekɔ l’akambo wa mɛtɛ. Etena kakoyɛ ambola asɔ lo yimba, sala eyangelo dia nkondja ekadimwelo lo ambola tshɛ wele layɛ. (Rɔm 12:2) Eya etshikitanu tshɛ weyɛ l’ohomba wa nsala, etena kasalayɛ etshikitanu ɛsɔ, yashikikɛ dia oyango wele layɛ ele wa ngɛnyangɛnya Jehowa. (Tok 27:11; Ɛf 4:23, 24) Lɔmbaka mbala tshɛ dia nde kokimanyiya. Onga l’eshikikelo dia Jehowa ayokokeketsha ndo ayokosukɛ oma lo tshimbo ya wolo wa nyuma kande k’ekila. (1Pe 5:10, 11) Welo wadjayɛ hawotonga anyaya. Kambɛ Jehowa mbele yoho ya lɔsɛnɔ yoleki tshɛ dimɛna!​—Os 16:11.

NYENDE VIDƐO YELE L’ƆTƐ A DUI ƆNƐ: MBOKA K’OTSHA LO BATISIMU NDO OMA LAASƆ, NYOKADIMOLE LO AMBOLA WAYELA ANƐ:

• Naa wekamu ɛmɔtshi wakatondoya anto amɔtshi l’oyango wa batizama?

• Ngande wakokayɛ mpamia mbetawɔ kele ohomba dia wɛ ndjakimɔ le Jehowa?

• Kakɔna kakatshutshuya anto amɔtshi dia ntakola wanya walɔmbama dia batizama?

• Naa ɛtshɔkɔ wakondja wanɛ wasɔna dia nkambɛ Jehowa?

• Kakɔna kalembetshiya ndjakimɔ ndo batisimu?