Kɛnɛmɔla ohomba wa kɛnɛ katayɛ

Tokedi 3:21

LO TSHENA PE: Kimanyiya ampokami ayɛ dia vɔ nshihodia shɛngiya yele la sawo diayɛ lo nsɛnɔ yawɔ ndo ɛnyawɔ woho wakokawɔ nkamba la kɛnɛ kekawɔ.

WOHO WA NSALA DUI SƆ:

• Kanyiya dikambo di’ampokami ayɛ. Kana yimba lande na kele ampokami ayɛ l’ohomba wa mboka losango lakɔ ndo kakɔna kayowakimanyiya lo yoho ya laande.

• Lo sawo diayɛ di’otondo, ɛnya ampokami ayɛ kɛnɛ kahombawɔ nsala. Oma k’etatelo ka sawo diayɛ, ompokami tshɛ ayashikikɛ dia sawo diakɔ ‘diayowokimanyiya.’ Etena kɔmbɔlayɛ dui tshɛ dioleki ohomba, ɛnya woho wa nkamba la diɔ. Ewɔ dia ntɛkɛta awui wele bu ohomba.