Etongelo keketshaka wɛkamu aso lo lomba la Jehowa

Onde Jehowa okeyaka kɛnɛ koleki dimɛna le so? Eelo! Lo mbeya dui sɔ, sho mɛnyaka lomba etena kayelaso ɛlɔmbwɛlɔ kande. (Tok 16:3, 9) Koko, wɛkamu aso lo ɛlɔmbwɛlɔ kande mbeyaka mbidjama l’ohemba etena katshikitanatɔ la tokanyi taso. Sho koka nkeketsha wɛkamu aso lo lomba la Jehowa lo kanaka yimba la etongelo kande.​—Tok 30:24, 25; Rɔm 1:20.

NYENDE VIDƐO YELE L’ƆTƐ A DUI ƆNƐ: ONDE AKATONGAMA KANA AKAYE OYAYA? NGANDE WASALA AFUMBA DIA MBEWƆ MBIDJANƐ WEKAMU ETENA KATAWAKƐNDAKƐNDA? NDO OMA LAASƆ, NYOKADIMOLE LO AMBOLA WAYELA ANƐ:

• Awui akɔna watolekaka afumba nsala lushi la lushi?

• Kakɔna kasala afumba dia mbewɔ mbidjanɛ wekamu etena katawakɛndakɛnda?

• Wetsheko akɔna wakoka anto nkondja oma lo woho w’eteta afumba?

NYENDE VIDƐO YELE L’ƆTƐ A DUI ƆNƐ: ONDE AKATONGAMA KANA AKAYE OYAYA? DIKOKA DIELE LA LONDJWE DIA MFUMBƆ AHA L’OKAKATANU, NDO OMA LAASƆ, NYOKADIMOLE LO AMBOLA WAYELA ANƐ:

• Ekakatanu akɔna wahomana l’anto etena katawafumbɔ lo aviyɔ wa tshitshɛ?

• Ngande wasala londjwe diaha ndjɛkayɛka la lɔpɛpɛ etena katandafumbɔ?

• Ngande wakoka anto nkondja wahɔ lushi lɔmɔtshi oma lo lomba lele la londjwe?

Djembetelo yakɔna yɛnayɛ lomba la Jehowa l’etongelo lɛnɛ adjasɛyɛ?